ఆన్‌లైన్‌ బెట్టింగ్‌ ఇక నేరం.. గేమింగ్‌ బిల్లుకు కేంద్ర క్యాబినెట్‌ ఆమోదం
ఆన్‌లైన్‌ బెట్టింగ్‌ నిరోధించే దిశగా కేంద్రం చర్యలు చేపట్టింది. ఆన్‌లైన్‌ బెట్టింగ్‌ను నేరంగా పరిగణించేలా ఓ బిల్లును తీసుకువస్తున్నది. ఆన్‌లైన్‌లో గేమింగ్‌ ప్లాట్‌ఫామ్స్‌ ద్వారా జరిగే మోసాలను నియంత్రించడం, చట్టవిరుద్ధమైన బెట్టింగ్‌ కార్యకలాపాలను అడ్డుకోవడం ఈ బిల్లు ఉద్దేశమని ప్రభుత్వ వర్గాలు పేర్కొన్నాయి.
- నేడు లోక్‌సభ ముందుకు
న్యూఢిల్లీ, ఆగస్టు 19 : ఆన్‌లైన్‌ బెట్టింగ్‌ నిరోధించే దిశగా కేంద్రం చర్యలు చేపట్టింది. ఆన్‌లైన్‌ బెట్టింగ్‌ను నేరంగా పరిగణించేలా ఓ బిల్లును తీసుకువస్తున్నది. ఆన్‌లైన్‌లో గేమింగ్‌ ప్లాట్‌ఫామ్స్‌ ద్వారా జరిగే మోసాలను నియంత్రించడం, చట్టవిరుద్ధమైన బెట్టింగ్‌ కార్యకలాపాలను అడ్డుకోవడం ఈ బిల్లు ఉద్దేశమని ప్రభుత్వ వర్గాలు పేర్కొన్నాయి. బెట్టింగ్‌ లేదా గ్యాంబ్లింగ్‌ జరిగే ఆన్‌లైన్‌ గేమ్స్‌ నిర్వాహకులపై భారీగా జరిమానాలు విధించడం, శిక్షించడం, అవసరమైతే నిషేధించడం వంటి అంశాలను ఈ బిల్లులో చేర్చినట్టు వెల్లడించాయి.
కేంద్ర మంత్రివర్గం మంగళవారం ఆమోదించిన ఈ బిల్లును బుధవారం లోక్‌సభలో ప్రతిపాదించనున్నారు. ఈ బిల్లు ద్వారా వినోదం ప్రధానమైన ఆన్‌లైన్‌ గేమ్స్‌కు, డబ్బుతో ప్రమేయం ఉండే ఇతర గేమ్స్‌కు మధ్య స్పష్టమైన గీత గీయాలని ప్రభుత్వం భావిస్తున్నట్టు సమాచారం. ఆన్‌లైన్‌లో ఉన్న ఇతర గేమ్స్‌ను యథాతథంగా కొనసాగించనున్నారు.
Read Today's Latest National News in Telugu and Telugu News
- Follow Us :
-
