India Corona | దేశంలో ఏడు వేలు దాటిన యాక్టివ్‌ కేసులు

India Corona | దేశంలో (India) మళ్లీ కరోనా వైరస్‌ (Corona Virus) కేసులు పెరుగుతున్నాయి. గత కొన్ని రోజులుగా అదుపులోనే ఉందనుకున్న మహమ్మారి మరోసారి కోరలు చాస్తోంది. గత నాలుగు రోజులుగా వెయ్యి చేరువలో కేసులు నమోదవుతున్నాయి.

India Corona | దేశంలో (India) మళ్లీ కరోనా వైరస్‌ (Corona Virus) కేసులు పెరుగుతున్నాయి. గత కొన్ని రోజులుగా అదుపులోనే ఉందనుకున్న మహమ్మారి మరోసారి కోరలు చాస్తోంది. గత నాలుగు రోజులుగా వెయ్యి చేరువలో కేసులు నమోదవుతున్నాయి. కేంద్ర వైద్య ఆరోగ్య శాఖ (Ministry of Health) అధికారులు వెల్లడించిన వివరాల ప్రకారం.. గత 24 గంటల్లో 1,03,831 మందికి కరోనా వైరస్‌ నిర్ధారణ పరీక్షలు చేయగా.. 1,134 కొత్త కేసులు బయటపడ్డాయి. తాజా కేసులతో దేశంలో మొత్తం కరోనా బారిన పడిన వారి సంఖ్య 4,46,98,118 కి చేరింది.

ప్రస్తుతం దేశంలో 7,026 కేసులు యాక్టివ్‌గా ఉన్నాయి. గత 24 గంటల్లో ఛత్తీస్‌గఢ్‌, ఢిల్లీ, గుజరాత్‌, మహారాష్ట్ర, కేరళలో ఒక్కొక్కరు చొప్పున మొత్తం ఐదుగురు మృతి చెందారు. దీంతో మొత్తం మరణాల సంఖ్య 5,30,813కి చేరింది. కరోనా మహమ్మారి నుంచి ఇప్పటి వరకు దేశ వ్యాప్తంగా 4,41,60,279 మంది కోలుకున్నారు.

ఇప్పటివరకు నమోదైన మొత్తం పాజిటివ్‌ కేసుల్లో 0.02 శాతం మాత్రమే యాక్టివ్‌గా ఉన్నాయని కేంద్ర వైద్య ఆరోగ్య శాఖ అధికారులు వెల్లడించారు. రికవరీ రేటు 98.79 శాతంగా, మరణాలు 1.19 శాతంగా ఉన్నాయని పేర్కొన్నారు. దేశవ్యాప్తంగా ఇప్పటివరకు 220.65 కోట్ల కరోనా వ్యాక్సిన్‌ డోసులను పంపిణీ చేశామని కేంద్ర వైద్య ఆరోగ్య శాఖ వెల్లడించింది.

Also Read..

Amritpal Singh | అమృత్‍పాల్ సింగ్‌పై లుకౌట్‌ సర్క్యులర్‌, నాన్‌బెయిలబుల్‌ వారెంట్‌ జారీ చేసిన పోలీసులు

Usha Gokani | మహాత్మాగాంధీ మనవరాలు మృతి

MLC Kavitha | ప్ర‌తి ఇంటా సిరిసంప‌ద‌లు వెల్లివిరియాలి : ఎమ్మెల్సీ క‌విత‌