Coronavirus | డేంజర్‌ బెల్స్‌.. దేశంలో 63 మందికి కొత్త వేరియంట్‌ జేఎన్‌.1

Coronavirus | మూడేళ్ల కిందట ప్రపంచాన్ని గడగడలాడించిన కరోనా వైరస్‌ మరోసారి ప్రమాద ఘంటికలు మోగిస్తోంది. ఇటీవలే కొవిడ్‌ సబ్‌ వేరియంట్‌ జేఎన్‌.1 (JN.1) గుర్తించిన విషయం తెలిసిందే. ప్రస్తుతం ఈ కొత్త వేరియంట్‌ చాప‌కింద నీరులా విస్తరిస్తోంది. రోజురోజుకు ఆ వేరియంట్ కేసులు పెరిగిపోతున్నాయి.

Coronavirus | మూడేళ్ల కిందట ప్రపంచాన్ని గడగడలాడించిన కరోనా వైరస్‌ మరోసారి ప్రమాద ఘంటికలు మోగిస్తోంది. మొన్నటి వరకు తగ్గుముఖం పట్టిన మహమ్మారి ఒక్కసారిగా విజృంభిస్తోంది. భారత్‌తో పాటు ప్రపంచవ్యాప్తంగా కొవిడ్‌ కేసులు అమాంత పెరిగాయి. ఒకవైపు కొవిడ్‌ కేసులు పెరుగుతుంటే.. మరోవైపు కొత్త వేరియంట్‌ బయటపడి మరింత కలవరపెడుతోంది. ఇటీవలే కొవిడ్‌ సబ్‌ వేరియంట్‌ జేఎన్‌.1 (JN.1) గుర్తించిన విషయం తెలిసిందే.

ప్రస్తుతం ఈ కొత్త వేరియంట్‌ చాప‌కింద నీరులా విస్తరిస్తోంది. రోజురోజుకు ఆ వేరియంట్ కేసులు పెరిగిపోతున్నాయి. డిసెంబర్‌ 24 వరకూ దేశవ్యాప్తంగా 63 ఒమిక్రాన్‌ సబ్‌ వేరియంట్‌ అయిన జేఎన్‌.1 కేసులు నమోదైనట్లు సంబంధిత వర్గాలు వెల్లడించాయి. వీటిల్లో గోవాలోనే అత్యధికంగా 34 కేసులు నమోదైనట్లు తెలిపాయి. మహారాష్ట్రలో 9, కర్ణాటకలో 8, కేరళలో 6, తమిళనాడులో 4, తెలంగాణలో 2 జేఎన్‌.1 కేసులు బయటపడినట్లు సంబంధిత వర్గాలు వెల్లడించాయి.

A total of 63 JN.1 COVID variant cases have been reported in the country till 24th December. 34 cases from Goa, 9 from Maharashtra, 8 from Karnataka, 6 from Kerala, 4 from Tamil Nadu and 2 from Telangana: Sources

— ANI (@ANI) December 25, 2023

ఇదిలాఉండగా.. భారత్‌లో కొవిడ్‌ కేసులు క్రమంగా పెరుగుతున్నాయి. తాజాగా దేశంలో యాక్టివ్‌ కేసుల సంఖ్య 4 వేల మార్క్‌ను దాటింది. కేంద్ర వైద్య ఆరోగ్య మంత్రిత్వ శాఖ వెల్లడించిన వివరాల మేరకు.. ఆదివారం ఉదయం 8 గంటల నుంచి సోమవారం ఉదయం 8 గంటల వరకు 24 గంటల వ్యవధిలో 312 కొత్త కేసులు బయటపడ్డాయి. దీంతో దేశంలో యాక్టివ్‌ కేసుల సంఖ్య 3,742 నుంచి 4,054కు పెరిగింది. ఇక తాజా కేసుల్లో అత్యధికంగా కేరళలో 128 కేసులు వెలుగుచూశాయి. నిన్న ఒక్క రోజే ఒక మరణం నమోదైంది. దీంతో మొత్తం కొవిడ్‌ కారణంగా మరణించిన వారి సంఖ్య 5,33,33కి చేరింది. ఇక 24 గంటల్లో 315 మంది కొవిడ్‌ నుంచి కోలుకున్నారు. దీంతో మొత్తం కోలుకున్న వారి సంఖ్య 4.44 కోట్లకు (4,44,71,860) చేరుకుంది. ప్రస్తుతం దేశంలో క‌రోనా కేసులు మ‌ళ్లీ పెర‌గ‌డానికి ఈ కొత్త వేరియంట్ (New Covid Variant) కార‌ణ‌మ‌ని తెలుస్తోంది. దీంతో ఈ కొత్త వేరియంట్‌తో ప్రజల్లో తీవ్ర భయాందోళనలు వ్యక్తమవుతున్నాయి.

Also Read..

Human Trafficking | ఫ్రాన్స్‌ను వీడేందుకు 303 భారతీయులకు లభించిన అనుమతి.. విమానం ఎటు వెళ్లనుంది..?

Paytm Layoffs | 1,000 మందికిపైగా ఉద్యోగుల్ని తొలగించిన పేటీఎం

Bengaluru Traffic | మరోసారి స్తంభించిన సిలికాన్‌ వ్యాలీ.. 3 గంటల పాటు ఎక్కడికక్కడ నిలిచిపోయిన వాహనాలు