ఏవియ‌న్ ఫ్లూతో భారీగా కాకులు మృతి.. ముందుజాగ్ర‌త్త‌గా పౌల్ట్రీ ఫామ్‌ల మూత

జైపూర్‌: రాజ‌స్థాన్‌లో ఏవియ‌న్ ఫ్లూ క‌ల‌క‌లం రేపుతున్న‌ది. ఝ‌లావ‌ర్ జిల్లాలోని ర్యాడీ ఏరియాలో గ‌త కొన్ని రోజులుగా భారీ సంఖ్య‌లో కాకులు మృత్యువాత ప‌డుతున్నాయి. దీంతో అక్క‌డి వైద్యాధికారులు ఆ కాకుల శాంపిళ్ల‌ను సేక‌రించి ప‌రిశోధించ‌గా.. ఏవియ‌న్ ఫ్లూ అనే వైర‌సే కాకుల మృతికి కార‌ణ‌మ‌ని తేలింది. ఇది ప‌క్షుల నుంచి ప‌క్షుల‌కు వ్యాపించే వ్యాధి కావ‌డంతో ఝ‌లావ‌ర్ జిల్లా అధికార యంత్రాంగం అప్ర‌మ‌త్త‌మైంది.

ముందుజాగ్ర‌త్త చ‌ర్య‌గా శాంపిళ్ల‌ను సేక‌రించి ప‌రీక్ష‌లు చేయ‌డం కోసం ఒక ర్యాపిడ్ రెస్పాన్స్ టీమ్‌ను ఏర్పాటు చేసింది. స్థానికంగా ఉండే పౌల్ట్రీ ఫామ్స్‌, పౌల్ట్రీ దుకాణాల నుంచి కూడా శాంపిల్స్‌ను సేక‌రించి తాత్కాలికంగా మూసివేయిస్తున్న‌ది.