Visit:
Air India Plane Crash | అహ్మదాబాద్‌లో ఎయిర్‌ ఇండియా విమానం కుప్పకూలి (Ahmedabad Plane Crash) 270 మందికిపైగా ప్రాణాలు కోల్పోయిన విషయం తెలిసిందే. అయితే, వారం రోజులు పూర్తైనా మృతుల గుర్తింపు ప్రక్రియ ఇంకా పూర్తి కాలేదు. డీఎన్‌ఏ పరీక్ష (DNA Samples) ద్వారా ఇప్పటి వరకూ 215 మంది బాధితుల వివరాలను గుర్తించినట్లు అహ్మదాబాద్‌ సివిల్‌ ఆసుపత్రి సూపరింటెండెంట్‌ రాకేశ్‌ జోషి తెలిపారు. ఇప్పటి వరకూ 198 మంది డెడ్‌బాడీలను కుటుంబ సభ్యులకు అప్పగించినట్లు వెల్లడించారు. మిగతా మృతదేహాల అప్పగింత ప్రక్రియ కొనసాగుతున్నట్లు తెలిపారు. మరోవైపు మృతదేహాలను గుర్తించడానికి అహ్మదాబాద్‌లో డీఎన్‌ఏ ప్రయోగశాల 24 గంటలూ పనిచేస్తోంది. ప్రమాదంలో మృతదేహాలు గుర్తించలేనంత తీవ్రంగా కాలిపోవడంతో ఎముకల్లోని కణజాలాన్ని సేకరించి డీఎన్‌ఏ పరీక్షలు చేయాల్సి వస్తున్నదని.. అందుకే మృతదేహాల గుర్తింపు ఆలస్యమవుతున్నదని వైద్యులు తెలిపారు.
Also Read..
ఒడిశాలో మరో యువతిపై గ్యాంగ్‌రేప్‌
బ్లాక్‌బాక్స్‌ డీకోడ్‌పై ఏఏఐబీదే నిర్ణయం: కేంద్రం
16 అంతర్జాతీయ రూట్లలో సర్వీసులు నిలిపివేత
