విమాన దుర్ఘటన తర్వాత 112 మంది పైలట్ల సిక్‌ లీవ్‌

అహ్మదాబాద్‌ ఎయిరిండియా దుర్ఘటన జరిగిన నాలుగు రోజుల తర్వాత మొత్తం 112 మంది ఎయిరిండియా పైలట్లు సిక్‌ లీవ్‌ తీసుకున్నారని కేంద్ర సహాయ మంత్రి మురళీధర్‌ మోహాల్‌ గురువారం లోక్‌సభలో వెల్లడించారు.

న్యూఢిల్లీ, జూలై 24: అహ్మదాబాద్‌ ఎయిరిండియా దుర్ఘటన జరిగిన నాలుగు రోజుల తర్వాత మొత్తం 112 మంది ఎయిరిండియా పైలట్లు సిక్‌ లీవ్‌ తీసుకున్నారని కేంద్ర సహాయ మంత్రి మురళీధర్‌ మోహాల్‌ గురువారం లోక్‌సభలో వెల్లడించారు. ముఖ్యంగా ఈ విమాన దుర్ఘటన జరిగిన తర్వాత పైలట్ల మానసిక ఆరోగ్యాన్ని గుర్తించటం చాలా ప్రధానంగా మారిందని ఆయన అభిప్రాయపడ్డారు.

లోక్‌సభలో ఒక ప్రశ్నకు సమాధానంగా ఆయన ఈ వ్యాఖ్యలు చేశారు. ఇదిలా ఉండగా, భద్రతా ప్రమాణాల ఉల్లంఘనలకు సంబంధించి బుధవారం ఎయిరిండియాకు డీజీసీఏ నాలుగు షోకాజ్‌ నోటీసులు జారీ చేసింది.