Visit:
సంస్థాన్‌ నారాయణపురం,నవంబర్‌30 : స్థానిక సంస్థల ఎన్నికల్లో బీఆర్‌ఎస్‌ పార్టీ అభ్యర్థులను గెలిపించేందుకు ప్రతి ఒక్క కార్యకర్త కష్ఠపడి పని చేయలని బీఆర్‌ఎస్‌ పార్టీ మండల అధ్యక్షుడు నర్రి నరసింహా అన్నారు. ఆదివారం భువనగిరి జిల్లా సంస్థాన్‌ నారాయణపురం మండల కేంద్రంలో నిర్వహించిన బీఆర్‌ఎస్‌ పార్టీ కార్యకర్తల సమావేశంలో ఆయన పాల్గొని మాట్లాడారు. పార్టీ ఎవరిని ప్రకటించినా వారినే గెలిపించుకోవాలని స్పష్టం చేశారు.
బీఆర్‌ఎస్‌ పార్టీ కార్యకర్తలు సైనికుడి లాగా పని చేసి ప్రతి గ్రామంలో సర్పంచ్‌, వార్డు మెంబర్లను గెలిపించుకోవాలని పిలుపునిచ్చారు. ఈ కార్యక్రమంలో గ్రామ శాఖ అధ్యక్షుడు తెలంగాణ భిక్షం, లారీ భిక్షం, నాయకులు జక్కిడి దన్వంత్‌ రెడ్డి, బోడ్డుపల్లి గాలయ్య, పల్లె గోవర్ధన్‌ రెడ్డి, జక్కడి యాదిరెడ్డి, ఎడ్ల సత్తయ్య, రాములు సాగర్‌, అంతటి భాగ్యలక్ష్మి, ఏర్పుల అంజమ్మ పాల్గొన్నారు.
