Huzurnagar : కార్యకర్త కుటుంబానికి చెక్కు అందజేత..

హుజూర్‌నగర్‌టౌన్‌ : పార్టీ కోసం పని చేసే కార్యకర్తలకు టీఆర్‌ఎస్ ఎప్పుడూ అండగా ఉంటుందని ఎమ్మెల్యే శానంపూడి సైదిరెడ్డి అన్నారు. పట్టణానికి చెందిన పచ్చిపాల నర్సింహా కొన్ని నెలల క్రితం కాలువలో పడి ప్రమాదవశాత్తు మరణించాడు. దీంతో పార్టీ సభ్యత్వ సమయంలో చేసిన ఇన్సూరెన్స్​‍ ద్వారా లభించిన చెక్కును మంగళవారం క్యాంపు కార్యాలయంలో ఎమ్మెల్యే శానంపూడి సైదిరెడ్డి కుటుంబ సభ్యులకు అందించారు. ఈ సందర్భంగా ఆయన మాట్లాడుతూ టీఆర్‌ఎస్లో ప్రతి కార్యకర్తను గుండెల్లో పెట్టుకుని చూసుకుంటామన్నారు.

ఇబ్బందులు ఎదురైతే అన్ని విధాలా ఆదుకుంటామన్నారు. కార్యక్రమంలో పార్టీ పట్టణాధ్యక్షుడు అమర్‌నాధ్‌రెడ్డి, వైస్ చైర్మన్‌ జక్కుల నాగేశ్వరరావు, అమర్‌, ఉపేందర్‌, చంద్రమౌళి, మైసయ్య, కిరణ్‌, రవీందర్‌ పాల్గొన్నారు.