Motkur : ధాన్యం కొనుగోళ్లను వేగ‌వంతం చేయాలి : అడిషనల్ కలెక్టర్ వీరారెడ్డి

ధాన్యం కొనుగోళ్లను వేగ‌వంతం చేయాల‌ని యాదాద్రి భువ‌న‌గిరి అడిషనల్ కలెక్టర్ వీరారెడ్డి అన్నారు. బుధవారం మోత్కూరు, అడ్డగూడూరు మండలాల్లోని ఐకేపీ సహకార సంఘం ఆధ్వర్యంలో ఏర్పాటు చేసిన ధాన్యం కొనుగోలు కేంద్రాలను ఆయన పరిశీలించారు.

మోత్కూరు, మే 14 : ధాన్యం కొనుగోళ్లను వేగ‌వంతం చేయాల‌ని యాదాద్రి భువ‌న‌గిరి అడిషనల్ కలెక్టర్ వీరారెడ్డి అన్నారు. బుధవారం మోత్కూరు, అడ్డగూడూరు మండలాల్లోని ఐకేపీ సహకార సంఘం ఆధ్వర్యంలో ఏర్పాటు చేసిన ధాన్యం కొనుగోలు కేంద్రాలను ఆయన పరిశీలించారు. ఈ సంద‌ర్భంగా మాట్లాడుతూ.. ప్రభుత్వ నిబంధనల మేరకు 17 శాతం లోపు తేమ వ‌చ్చేలా రైతులు ధాన్యాన్ని ఆరబెట్టుకోవాలన్నారు.

ధాన్యాన్ని శుభ్రం చేసి చెత్తా చెదారం లేకుండా చూసుకోవాలన్నారు. గన్ని బస్తాల కొరత లేదని, ధాన్యం త్వరగా తూకాలు చేయడం ఆ తర్వాత ఎగుమతి చేసి రైస్ మిల్లులకు తరలించినట్లయితే ఆ ధాన్యం దిగుమతి అయ్యేలా చర్యలు తీసుకోవాలని మండల తాసీల్దార్ల‌ను ఆదేశించారు. ఇప్పటికే అనేక గ్రామాల్లో ధాన్యం ఆరబెట్టుకుని ఉన్న రాశులను ఆయన పరిశీలించారు.