వరల్డ్ బ్యాంక్ బృందం న‌ల్ల‌గొండ‌ క్లాక్ టవర్ జంక్షన్ అభివృద్ధి పనుల పరిశీల‌న

నల్లగొండ నగర అభివృద్ధిలో భాగంగా ప్రతిపాదించిన క్లాక్‌టవర్ జంక్షన్ అభివృద్ధి ప్రాజెక్టును మేయర్ బుర్రి చైతన్య శ్రీనివాస్ రెడ్డి, డిప్యూటీ మేయర్ మహమ్మద్ అష్రఫ్ అలీ వరల్డ్ బ్యాంక్ బృందంతో కలిసి క్షేత్రస్థాయిలో పరిశీలించారు. ఈ సందర్భంగా ప్రతిపాదిత స్కై వాక్, కమర్షియల్ కాంప్లెక్స్...

నీలగిరి, అక్టోబర్ 12 : నల్లగొండ నగర అభివృద్ధిలో భాగంగా ప్రతిపాదించిన క్లాక్‌టవర్ జంక్షన్ అభివృద్ధి ప్రాజెక్టును మేయర్ బుర్రి చైతన్య శ్రీనివాస్ రెడ్డి, డిప్యూటీ మేయర్ మహమ్మద్ అష్రఫ్ అలీ వరల్డ్ బ్యాంక్ బృందంతో కలిసి క్షేత్రస్థాయిలో పరిశీలించారు. ఈ సందర్భంగా ప్రతిపాదిత స్కై వాక్, కమర్షియల్ కాంప్లెక్స్, అర్బన్ ప్లాజా, రీచార్జ్ వెల్స్ తదితర అభివృద్ధి పనులపై చర్చించారు. నగర అభివృద్ధితో పాటు పర్యావరణ పరిరక్షణ, ప్రజల భద్రతకు ప్రాధాన్యతపై చర్చించారు. ప్రాజెక్టుకు సంబంధించిన పర్యావరణ అనుమతులు, భూసంబంధిత అంశాలు, ప్రజాభిప్రాయ సేకరణ, నిర్మాణ సమయంలో తీసుకోవాల్సిన భద్రతా చర్యలు, ఫిర్యాదుల పరిష్కార విధానాలపై వరల్డ్ బ్యాంక్ బృందం పలు సూచనలు చేసింది. ఈ కార్యక్రమంలో మున్సిపల్ కమిషనర్ బి.వంశీకృష్ణ, మున్సిపల్ మాజీ చైర్‌పర్సన్ బుర్రి శ్రీనివాస్ రెడ్డి, మున్సిపల్ మాజీ వైస్ చైర్‌పర్సన్ అబ్బగోని రమేష్, ఎగ్జిక్యూటివ్ ఇంజినీర్ బి.మనోహర, డిప్యూటీ ఎగ్జిక్యూటివ్ ఇంజినీర్ పి.అశోక్ కుమార్, అసిస్టెంట్ ఇంజినీర్ వి.దిలీప్ భార్గవ, మున్సిపల్ సిబ్బంది పాల్గొన్నారు.