నల్లగొండలో దొంగ ఓట్ల కలకలం.. అధికార పార్టీకి కొమ్ముకాస్తున్న పోలీసులు

న‌ల్ల‌గొండ కార్పొరేష‌న్ ఎన్నిక‌ల్లో దొంగ ఓట్లు క‌ల‌క‌లం రేపాయి. నల్లగొండలోని 30వ డివిజన్ పోలింగ్ బూత్‌లో దొంగ ఓటు కలకలం రేపింది. డివిజ‌న్‌లోని ఓట‌రు నిశాంత్ ప్ర‌స్తుతం సౌతాఫ్రికాలో ఉన్నాడు. అయితే ఆయ‌న పేర ఓ దొంగ ఆధార్ కార్డు సృష్టించి..

న‌ల్ల‌గొండ‌, ఫిబ్ర‌వ‌రి 11 : న‌ల్ల‌గొండ కార్పొరేష‌న్ ఎన్నిక‌ల్లో దొంగ ఓట్లు క‌ల‌క‌లం రేపాయి. నల్లగొండలోని 30వ డివిజన్ పోలింగ్ బూత్‌లో దొంగ ఓటు కలకలం రేపింది. డివిజ‌న్‌లోని ఓట‌రు నిశాంత్ ప్ర‌స్తుతం సౌతాఫ్రికాలో ఉన్నాడు. అయితే ఆయ‌న పేర ఓ దొంగ ఆధార్ కార్డు సృష్టించి ఓటు వేసేందుకు ఓ వ్య‌క్తి వ‌చ్చాడు. ఫేక్ ఆధార్ కార్డుతో ఓటు వేయబోయిన దొంగ ఓటరును బీఆర్ఎస్ కార్పొరేట‌ర్ అభ్య‌ర్థి జ‌హంగీర్ గుర్తించి అడ్డుకున్నాడు. వెంట‌నే ప‌ట్టుకుని ఆ దొంగ ఓటరును పోలీసులకు అప్పజెప్పాడు. కాగా నువ్వెలా దొంగ ఓటరు అవుతావంటూ స‌ద‌రు వ్య‌క్తిని పోలీసులు వదిలేసినట్లు ఆయ‌న ఆరోపించారు. అధికార పార్టీకి కొమ్ముకాస్తూ పోలీసులు విధులు నిర్వహించార‌ని బీఆర్ఎస్ నాయకులు తీవ్ర ఆరోప‌ణ‌లు చేశారు.