Visit:
అర్వపల్లి, నవంబర్ 29 : గ‌తంలో స‌మ‌స్య‌లు సృష్టించిన వారిని, పాత నేర‌స్థుల‌ను బైండోవ‌ర్ చేసిన‌ట్లు, బైండోవ‌ర్ నిబంధనలు ఉల్లంఘిస్తే రూ.5 ల‌క్ష‌ల జ‌రిమానా త‌ప్ప‌ద‌ని సూర్యాపేట జిల్లా ఎస్పీ న‌ర‌సింహ అన్నారు. శ‌నివారం అర్వపల్లి మండ‌ల ప‌రిధిలోని కుంచ‌మ‌ర్తి, జాజిరెడ్డిగూడెం గ్రామాల్లో ఈ మేర‌కు రౌడీ షీట‌ర్లు, ప్ర‌జ‌ల‌కు అవ‌గాహ‌న క‌ల్పించారు. ప్రశాంత ఎన్నికల నిర్వహణకు ప్రతి ఒక్కరూ సహకరించాల‌ని కోరారు. పౌరులు ఎన్నికల నియమావళికి లోబడి నడుచుకోవాల‌న్నారు. నామినేషన్ కేంద్రం వద్ద నామినేషన్ అభ్యర్థులతో మాట్లాడి నిబంధనలు పాటించాలని సూచించారు. ఓట‌ర్లు ప్రలోభాలకు గురికాకుండా స్వేచ్ఛగా త‌మ ఓటు హక్కును సద్వినియోగం చేసుకోవాలని కోరారు. ఎన్నికల అనంతరం విజయోత్సవ ర్యాలీలకు అనుమతి లేదన్నారు. ఈ కార్యక్రమంలో డీఎస్పీ ప్రసన్నకుమార్, సీఐ నాగేశ్వరరావు, స్పెషల్ బ్రాంచ్ ఇన్‌స్పెక్ట‌ర్ రామారావు, ఎస్ఐ సైదులు, పోలీసు సిబ్బంది, ఎన్నికల అధికారులు పాల్గొన్నారు.
