‘సూర్యాపేట జిల్లాను కరువు ప్రాంతంగా ప్రకటించాలి’

సూర్యాపేట జిల్లాను కరువు ప్రాంతంగా ప్రకటించి వలసల నివారణ చేపట్టాలని సిపిఐ ఎంఎల్ న్యూడెమోక్రసీ జిల్లా కార్యదర్శి డేవిడ్ కుమార్ ప్రభుత్వాన్ని డిమాండ్ చేశారు. శనివారం కోదాడ లాల్‌బంగ్లాలో నిర్వహించిన డివిజన్ ముఖ్య నాయకుల సమావేశంలో...

– సిపిఐ ఎంఎల్ న్యూడెమోక్రసీ జిల్లా కార్యదర్శి డేవిడ్ కుమార్

కోదాడ‌, అక్టోబ‌ర్ 10 : సూర్యాపేట జిల్లాను కరువు ప్రాంతంగా ప్రకటించి వలసల నివారణ చేపట్టాలని సిపిఐ ఎంఎల్ న్యూడెమోక్రసీ జిల్లా కార్యదర్శి డేవిడ్ కుమార్ ప్రభుత్వాన్ని డిమాండ్ చేశారు. శనివారం కోదాడ లాల్‌బంగ్లాలో నిర్వహించిన డివిజన్ ముఖ్య నాయకుల సమావేశంలో ఆయన మాట్లాడారు. కరువు, కరెంటు కోతలు, నీటి కొరత తదితర పరిస్థితులు జిల్లాలో తీవ్రంగా ఉన్నాయన్నారు. నాగార్జున సాగర్ ప్రాజెక్టు నుండి సాగునీరు అందక మూడు లక్షల ఎకరాల వరి పంట ఎండిపోయే పరిస్థితికి వచ్చిందన్నారు. యుద్ధ ప్రాతిపదికన నీటిని విడుదల చేయాలన్నారు. ఎన్నికల ప్రణాళికలో హామీ ఇచ్చిన విధంగా కాంగ్రెస్ ప్ర‌భుత్వం 24 గంటల ఉచిత విద్యుత్‌ అందించాలన్నారు. జిల్లాను కరువు ప్రాంతంగా ప్రకటించి ఆదుకోవాలని అన్నారు. ఈ సమావేశంలో నాయకులు పోటు లక్ష్మయ్య ఉదయగిరి, డి.రవి, నరసింహారావు, కామల్ల శ్రీను, నాగయ్య పాల్గొన్నారు.