Kattangur : విద్యార్థులు ప్రణాళికాయుతంగా చదవాలి :ఎంఈఓ అంబటి అంజయ్య

విద్యార్థులు ప్రతి విషయాన్ని ప్రణాళికాయుతంగా చదివి ఉత్తమ ఫలితాలు సాధించాలని క‌ట్టంగూర్‌ ఎంఈఓ అంబటి అంజయ్య అన్నారు. బుధవారం మండల కేంద్రంలోని ఎస్సీ బాలుర వసతి గృహ విద్యార్థులకు ఉచిత దుస్తులు పంపిణీ చేశారు.

కట్టంగూర్, జూలై 30 : విద్యార్థులు ప్రతి విషయాన్ని ప్రణాళికాయుతంగా చదివి ఉత్తమ ఫలితాలు సాధించాలని క‌ట్టంగూర్‌ ఎంఈఓ అంబటి అంజయ్య అన్నారు. బుధవారం మండల కేంద్రంలోని ఎస్సీ బాలుర వసతి గృహ విద్యార్థులకు ఉచిత దుస్తులు పంపిణీ చేశారు. ఈ సందర్భంగా ఆయన మాట్లాడుతూ.. వసతి గృహాల్లో నాణ్యమై భోజనంతో పాటు సదుపాయాలు ప్రభుత్వం కల్పిస్తుందని, విద్యార్థులు సద్వినియోగం చేసుకోవాలని సూచించారు. విద్యార్థులు సమయ పాలన అలవర్చుకోవాలన్నారు. ఏకాగ్రతతో చదివితే మరింత ముందుకు వెళ్లగలరన్నారు. ఈ కార్యక్రమంలో వసతి గృహ సంక్షేమ అధికారి గుజ్జుల శంకర్ రెడ్డి, సిబ్బంది వెంకట్ రెడ్డి, నర్సింహ్మ పాల్గొన్నారు.