చాకలి ఐలమ్మ జయంతి ఉత్సవాల రాష్ట్ర కన్వీనర్‌గా పగిళ్ల సందీప్

చాకలి ఐలమ్మ జయంతి ఉత్సవాల రాష్ట్ర కన్వీనర్‌గా నల్ల‌గొండ జిల్లా నకిరేకల్ మండలం నోముల గ్రామానికి చెందిన తెలంగాణ ఉద్యమకారుడు పగిళ్ల సందీప్ నియ‌మితుల‌య్యారు. రాష్ట్ర ప్రభుత్వం సెప్టెంబర్ 26న అధికారికంగా నిర్వహించనున్న వీరనారి చాకలి ఐలమ్మ...

నకిరేకల్, సెప్టెంబర్ 25 : చాకలి ఐలమ్మ జయంతి ఉత్సవాల రాష్ట్ర కన్వీనర్‌గా నల్ల‌గొండ జిల్లా నకిరేకల్ మండలం నోముల గ్రామానికి చెందిన తెలంగాణ ఉద్యమకారుడు పగిళ్ల సందీప్ నియ‌మితుల‌య్యారు. రాష్ట్ర ప్రభుత్వం సెప్టెంబర్ 26న అధికారికంగా నిర్వహించనున్న వీరనారి చాకలి ఐలమ్మ 131వ జయంతి ఉత్సవాల రాష్ట్ర కమిటీలో కన్వీనర్‌గా ఆయ‌నకు అవకాశం లభించింది. ఈ సందర్భంగా పగిళ్ల సందీప్ మాట్లాడుతూ, “భూమి కోసం, భుక్తి కోసం, వెట్టిచాకిరి విముక్తి కోసం చాకలి ఐలమ్మ చేసిన పోరాటం నేటి ప్రజా ఉద్యమాలకు చిరస్థాయి స్ఫూర్తి” అన్నారు. దోపిడీ, బానిస సంస్కృతికి ధైర్యంగా ఎదురు నిలిచి ఐలమ్మ చూపిన పోరాట స్ఫూర్తి తెలంగాణ సమాజానికి ఆదర్శమని పేర్కొన్నారు. భూస్వామ్య దోపిడీ వ్యవస్థలకు వ్యతిరేకంగా చాకలి ఐలమ్మ చేసిన భూ పోరాటం కారణంగా ప్రజల్లో హక్కులపై చైతన్యం పెరిగిందని తెలిపారు. “ప్రతి పేదవాడి పిడికిలిలో చాకలి ఐలమ్మ స్ఫూర్తి చిరస్థాయిగా నిలిచిపోతుంది” అని ఆయన అన్నారు. ఈ ఎన్నిక కు సహకరించిన తెలంగాణ రజక ఫెడరేషన్ చైర్మన్ దాసరాజు అజయ్ కుమార్, కొన్నే సంపత్, కులుకులపల్లి రాధికలకు పగిళ్ల సందీప్ కృతజ్ఞతలు తెలిపారు.