Minister Komatireddy : వినతులు స్వీకరించకుండానే వెళ్లిన మంత్రి కోమటిరెడ్డి

ప్రతి సోమవారం కలెక్టరేట్‌లో నిర్వహించే ప్రజావాణిలో ఈ వారం తాను పాల్గొని ప్రజల నుండి వినతులు స్వీకరిస్తానని రాష్ట్ర రోడ్డు, భవనాల శాఖ మంత్రి కోమటిరెడ్డి వెంకట్‌రెడ్డి ప్రకటించడంతో పెద్ద ఎత్తున బాధితులు న‌ల్ల‌గొండ‌ కలెక్టరేట్‌కు చేరుకున్నారు.

నల్లగొండ, మార్చి 24 : ప్రతి సోమవారం కలెక్టరేట్‌లో నిర్వహించే ప్రజావాణిలో ఈ వారం తాను పాల్గొని ప్రజల నుండి వినతులు స్వీకరిస్తానని రాష్ట్ర రోడ్డు, భవనాల శాఖ మంత్రి కోమటిరెడ్డి వెంకట్‌రెడ్డి ప్రకటించడంతో పెద్ద ఎత్తున బాధితులు న‌ల్ల‌గొండ‌ కలెక్టరేట్‌కు చేరుకున్నారు. మంత్రి రాక కోసం ఉదయం 10:30 గంటల నుండి బాధితులు మధ్యాహ్నం 2:30 గంటల వరకు ఎదురు చూశారు.

అయితే నల్లగొండ, తిప్పర్తి మండలాల్లో ధాన్యం కొనుగోలు కేంద్రాలు ప్రారంభించిన తర్వాత మధ్యాహ్నం 1:30 గంటలకే మంత్రి కలెక్టరేట్ చేరుకొని కలెక్టర్ ఛాంబర్‌లో కూర్చున్నారు. కాగా మంత్రి మాత్రం సమావేశ మందిరంలో వినతులు స్వీకరించేందుకు మాత్రం వెళ్ల‌లేదు. మంత్రి రాక కోసం ఎదురుచూసిన బాధితులు ఆయన సమావేశ మందిరంలోకి రాకుండా వెళ్లిపోవడంతో ఆవేదన వ్యక్తం చేశారు.