‘గుర్రంపోడు మండలాన్ని కరువు మండలంగా ప్రకటించాలి’

గ్రురంపోడ్‌ మండలాన్ని కరువు మండలంగా ప్రకటించాలని బీఆర్ఎస్ మండల నాయకులు డిమాండ్ చేశారు. శుక్రవారం తాసీల్దార్ ఎన్.కరుణశ్రీ కి ఆ పార్టీ మండల మాజీ అధ్యక్షుడు నాగులవంచ తిరుపతి రావు ఆధ్వర్యంలో వినతి పత్రం అందజేసి మాట్లాడారు.

గుర్రంపోడ్, ఆక్టోబర్ 30 : గ్రురంపోడ్‌ మండలాన్ని కరువు మండలంగా ప్రకటించాలని బీఆర్ఎస్ మండల నాయకులు డిమాండ్ చేశారు. శుక్రవారం తాసీల్దార్ ఎన్.కరుణశ్రీ కి ఆ పార్టీ మండల మాజీ అధ్యక్షుడు నాగులవంచ తిరుపతి రావు ఆధ్వర్యంలో వినతి పత్రం అందజేసి మాట్లాడారు. ప్రభుత్వం ఇటీవల ప్రకటించిన కరువు మండలాల జాబితాలో గుర్రంపోడు మండలం లేకపోవడం చాలా బాధాకరం అన్నారు. గుర్రంపోడు మండలంలో రైతులు పంటలు ఎండిపోయి, పంట చేతికి అందక మండలంలో 70 శాతం మంది రైతులు నష్టపోయారన్నారు. వారికి తక్షణమే ఎకరాకు రూ.50 వేలు ఇచ్చి ప్రభుత్వం ఆదుకోవాలన్నారు.

మండలాన్ని కరువు మండలంగా ప్రకటించకుంటే బీఆర్ఎస్ పార్టీ ఆధ్వర్యంలో రైతులతో కలిసి భారీ ఎత్తున ధర్నా కార్యక్రమం నిర్వహిస్తామని హెచ్చ‌రించారు. ఈ కార్యక్రమంలో మాజీ వైస్ ఎంపీపీ వజ్జ రామేశ్వరీధనుంజయ, సర్పంచులు జక్కల స్వప్నభాస్కర్, చెవ్వు రమేష్, బీఆర్ఎస్‌వీ నియోజకవర్గ మాజీ అధ్యక్షుడు పిల్లి అభినయ్ యాదవ్, సీనియర్ నాయకులు కామల్ల రాములు, షేక్ సిరాజు, కూనూరు సైదిరెడ్డి, కంసాని చంటి, పోలేపల్లి యాదయ్య, వనమాల మహేందర్, బొల్లం నరేశ్‌, కుందారపు యాదగిరి, రజనీకాంత్, కొండల్ రెడ్డి, గణేశ్ పాల్గొన్నారు.