TVK MLA VS Babu Dies | స్టాలిన్ను ఓడించిన టీవీకే ఎమ్మెల్యే వీఎస్ బాబు.. అనారోగ్యంతో కన్నుమూత
TVK MLA VS Babu Dies | తమిళనాడు మాజీ సీఎం, డీఎంకే చీఫ్ ఎంకే స్టాలిన్ను కొలత్తూరు స్థానంలో ఓడించిన టీవీకే ఎమ్మెల్యే వీఎస్ బాబు కన్నుమూశారు. దీర్ఘకాలిక శ్వాసకోశ వ్యాధితో బాధపడుతున్న ఆయన రెండు నెలలుగా ఆసుపత్రిలో చికిత్స పొందుతూ గురువారం మరణించారు.
చెన్నై: తమిళనాడు మాజీ సీఎం, డీఎంకే చీఫ్ ఎంకే స్టాలిన్ను కొలత్తూరు స్థానంలో ఓడించిన టీవీకే ఎమ్మెల్యే వీఎస్ బాబు కన్నుమూశారు. దీర్ఘకాలిక శ్వాసకోశ వ్యాధితో బాధపడుతున్న ఆయన రెండు నెలలుగా ఆసుపత్రిలో చికిత్స పొందుతూ గురువారం మరణించారు. (TVK MLA VS Babu Dies) 75 ఏళ్ల వీకే బాబు దీర్ఘకాలిక శ్వాసకోశ వ్యాధితో సెప్టెంబర్ 9న చెన్నైలోని ఎంజీఎం హెల్త్కేర్లో చేరారు. రెండు నెలలుగా ఇంటెన్సివ్ కేర్లో చికిత్స పొందుతున్నారు. అయితే గురువారం మధ్యాహ్నం 2.14 గంటలకు ఎమ్మెల్యే బాబు గుండెపోటుకు గురయ్యారని, మధ్యాహ్నం 2.24 గంటలకు ఆయన మరణించినట్లు వైద్యులు ప్రకటించారు.
కాగా, టీవీకే ఎమ్మెల్యే వీకే బాబు మరణం పట్ల ఆ పార్టీ అధినేత, సీఎం విజయ్ తీవ్ర సంతాపం వ్యక్తం చేశారు. ‘ప్రజా జీవితానికి పూర్తిగా అంకితం చేసుకుని, ప్రజల్లో ఒకరిగా జీవిస్తూ, అందరి ప్రేమను, మద్దతును, నమ్మకాన్ని గెలుచుకున్న వి.ఎస్. బాబు అకస్మాత్తుగా మరణించడం తీరని లోటు’ అని ఎక్స్లో పేర్కొన్నారు.
మరోవైపు టీవీకే ఎమ్మెల్యే వీకే బాబు మరణం పట్ల డీఎంకే అధినేత ఎంకే స్టాలిన్ దిగ్భ్రాంతి వ్యక్తం చేశారు.
‘ఆయన అకస్మాత్తుగా మరణించారనే వార్త దిగ్భ్రాంతిని కలిగించింది. ఆయన కుటుంబ సభ్యులకు, అలాగే ఆయన పార్టీలోని వారికి నా ప్రగాఢ సానుభూతిని, సంతాపం తెలియజేస్తున్నా’ అని ఎక్స్లో పోస్ట్ చేశారు.
కాగా, ఎంకే బాబు రాజకీయ ప్రస్థానం రెండు దశాబ్దాలకు పైగా కొనసాగింది. రాజకీయ ప్రయాణాన్ని డీఎంకే నుంచి ఆయన ప్రారంభించారు. పార్టీలో వివిధ స్థాయిల్లో పనిచేస్తూ ఉత్తర చెన్నై జిల్లా కార్యదర్శిగా ఎదిగారు. 2006లో పురసైవాక్కం నియోజకవర్గం నుంచి అసెంబ్లీకి మొదటిసారి ఎన్నికయ్యారు. 2011 వరకు ఆ నియోజకవర్గానికి ఆయన ప్రాతినిధ్యం వహించారు.
మరోవైపు డీఎంకేలో తలెత్తిన విభేదాల కారణంగా వీకే బాబు ఆ పార్టీని వీడారు. ఆ తర్వాత ఎడప్పాడి కె. పళనిస్వామి నాయకత్వంలోని అన్నాడీఎంకేలో ఆయన చేరారు. 2026 ఫిబ్రవరి 7న, నటుడి నుంచి రాజకీయ నాయకుడిగా మారిన విజయ్ స్థాపించిన టీవీకేలోకి వెళ్లారు. 2026 అసెంబ్లీ ఎన్నికల్లో తన మాజీ బాస్ అయిన ఎంకే స్టాలిన్కు వ్యతిరేకంగా కొలత్తూరు నియోజకవర్గంలో పోటీ చేసి విజయం సాధించారు. ఆయన గెలుపు ఒక సంచలనంగా నిలిచింది. ఆ నియోజకవర్గంలో స్టాలిన్ వరుస విజయాల పరంపరకు తెరపడింది.
అయితే ఎన్నికల్లో వీకే బాబు 82,997 ఓట్లు సాధించగా, స్టాలిన్ 74,202 ఓట్లు పొందారు. బాబు 8,795 ఓట్ల తేడాతో విజయం సాధించారు. ఈ నేపథ్యంలో ఎన్నికల ఫలితాలను మద్రాస్ హైకోర్టులో స్టాలిన్ సవాల్ చేశారు. ఎన్నికల అనంతరం ఎలక్ట్రానిక్ ఓటింగ్ యంత్రాల (ఈవీఎం) ధృవీకరణ ప్రక్రియలో అక్రమాలు జరిగాయని ఆరోపించారు. బాబు ఎన్నికను చెల్లనిదిగా ప్రకటించాలని ఈ ఏడాది ఆగస్ట్ 24న హైకోర్టును కోరారు. నియోజకవర్గంలో వినియోగించిన మొత్తం 286 ఈవీఎంలను వంద శాతం ధృవీకరించాలని, అలాగే అన్ని వీవీపీఏటీ స్లిప్పులను లెక్కించాలని ఆయన విజ్ఞప్తి చేశారు.
కాగా, స్టాలిన్ దాఖలు చేసిన పిటిషన్ను సెప్టెంబర్ 3న మద్రాస్ హైకోర్టు కొట్టివేసింది. ఇది విచారణకు స్వీకరించదగినది కాదని కోర్టు పేర్కొంది. ఎన్నికల ప్రక్రియకు సంబంధించి ఏదైనా సవాల్ చేయాలంటే, చట్టపరమైన నిబంధనల ప్రకారం ‘ఎలక్షన్ పిటిషన్’ మాత్రమే దాఖలు చేయాలని ఎన్నికల సంఘం వాదించడంతో హైకోర్టు ఈ నిర్ణయం తీసుకున్నది. స్టాలిన్ పిటిషన్ను కోర్టు కొట్టివేయడంతో వీఎస్ బాబు ఎన్నిక చెల్లుబాటు కావడంతో ఎమ్మెల్యేగా కొనసాగారు. అయితే ఆయన మరణంతో కొలత్తూరు స్థానం ఖాళీ కానుండటంతో ఉప ఎన్నిక జరిగే అవకాశమున్నది.
Read Today's Latest National News in Telugu and Telugu News
RELATED ARTICLES
తాజా వార్తలు
‘నేటికి కరువు సహాయక చర్యలు చేపట్టకపోవడం శోచనీయం’
KTR | కాంగ్రేసోళ్లే ఒక్కొక్కరుగా అన్నీ బయటపెడుతున్నరు : కేటీఆర్
TVK MLA VS Babu Dies | స్టాలిన్ను ఓడించిన టీవీకే ఎమ్మెల్యే వీఎస్ బాబు.. అనారోగ్యంతో కన్నుమూత
Orange alert | బంగాళాఖాతంలో కొనసాగుతున్న అక్వాన్ తీవ్ర తుపాను.. ఎనిమిది జిల్లాలకు ఆరెంజ్ అలెర్ట్ జారీ
నీటి పారుదలశాఖ మంత్రిగా ఉత్తమ్ అనర్హుడు : మాజీ మంత్రి జగదీశ్రెడ్డి
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

