మేఘ్య తండా- గoగ్లీ బీటీ రోడ్డు నిర్మాణానికి శంకుస్థాప‌న‌

పెన్‌ప‌హాడ్‌ మండలంలోని మేగ్య తండా నుండి గంగ్లీ తండా వరకు 1 కోటి 84 లక్షల రూపాయల ట్రైబల్ ఫండ్ ద్వారా విడుదలైన బీటీ రోడ్డు నిర్మాణం పనులకు రాష్ట్ర పర్యాటక అభివృద్ధి సంస్థ మాజీ చైర్మన్ పటేల్ రమేష్ రెడ్డి గురువారం శంకుస్థాపన చేశారు. ఈ సంద‌ర్భంగా ఆయ‌న మాట్లాడుతూ...

పెన్‌పహాడ్, అక్టోబర్ 29 : పెన్‌ప‌హాడ్‌ మండలంలోని మేగ్య తండా నుండి గంగ్లీ తండా వరకు 1 కోటి 84 లక్షల రూపాయల ట్రైబల్ ఫండ్ ద్వారా విడుదలైన బీటీ రోడ్డు నిర్మాణం పనులకు రాష్ట్ర పర్యాటక అభివృద్ధి సంస్థ మాజీ చైర్మన్ పటేల్ రమేష్ రెడ్డి గురువారం శంకుస్థాపన చేశారు. ఈ సంద‌ర్భంగా ఆయ‌న మాట్లాడుతూ.. గ్రామీణ ప్రాంతాల అభివృద్ధిలో మెరుగైన రహదారి సౌకర్యాలు కీలక పాత్ర పోషిస్తాయని తెలిపారు. నాణ్యమైన రహదారుల నిర్మాణం ద్వారా ప్రజలకు సురక్షితమైన, సౌకర్యవంతమైన ప్రయాణ సదుపాయాలు అందుబాటులోకి వస్తాయని తెలిపారు. ఈ బీటీ రోడ్డు నిర్మాణం పూర్తయితే మేఘ్యతండ, గంగ్లీ తండ గ్రామాల ప్రజలకు రవాణా సౌకర్యాలు మెరుగుపడటంతో పాటు, ప్రయాణ సమయం తగ్గి, విద్యార్థులు, రైతులు, ఉద్యోగులు, ఇతర ప్రజలకు ఎంతో ప్రయోజనం చేకూరుతుందని ఆశాభావం వ్యక్తం చేశారు. ఈ కార్యక్రమంలో సర్పంచ్ భూక్య రాజు నాయక్, సూర్యాపేట మార్కెట్ మాజీ చెర్మ‌న్ తూముల భుజంగా రావు, యాట ఉపేందర్, వరలక్ష్మి, వెలుగు వెంకన్న, షఫీ ఉల్లా, కళ్యాణ్, కరుణ రెడ్డి, కొండేటి పవన్, కృష్ణ, మనోహర్, దస్రూ నాయక్ పాల్గొన్నారు.