నల్లగొండ, ఆగస్టు 08 : సూర్యాపేట జిల్లా తుంగతుర్తి మండల కేంద్రంలోని ఎస్సీ కాలనీకి చెందిన తడకమళ్ల వెంకన్న అనారోగ్యంతో బాధపడుతూ ఇటీవల మృతి చెందాడు. ఆయన ఇద్దరు ఆడపిల్లలు అనాథలుగా దిక్కుతోచని పరిస్థితిలో ఉండడంతో వారికి శుక్రవారం నల్లగొండ జిల్లా న్యాయశాఖ ఉద్యోగుల సంఘం ఆధ్వర్యంలో జిల్లా అధ్యక్షుడు మాతంగి వీరబాబు రూ.6,500 ఆర్థిక సహాయాన్ని అందజేశారు. ఈ సందర్భంగా వారు మాట్లాడుతూ.. వెంకన్న కుటుంబానికి ఎల్లవేళలా అండగా ఉంటామని భరోసా కల్పించారు. ఈ కార్యక్రమంలో న్యాయ శాఖ ఉద్యోగులు రంగోజు గిరిధర్, మారంరాజ్ వంశీ, ఎండీ నజీర్, కత్తుల నేతాజీ, వీరితో పాటు తుంగతుర్తికి చెందిన మొగలగాని వంశీ గౌడ్, అంబటి రాములు, తడకమళ్ల రవికుమార్, అంబటి ప్రసన్న పాల్గొన్నారు.