‘పంటలు నష్టపోయిన రైతులకు పరిహారం అందించాలి’

దామరచర్ల మండలంలో శుక్రవారం రాత్రి కురిసిన అకాల వర్షానికి పలు గ్రామాలలో పంటలన్నీ కూడా నేలకొరిగి పూర్తిగా నష్టం జరిగింద‌ని, నష్టపోయిన పంటలను పరిశీలించి ఎకరాకు రూ.30 వేలు పరిహారం చెల్లించాలని రైతు సంఘం మండలాధ్య‌క్షుడు మాలోత్ వినోద్ నాయక్ డిమాండ్ చేశారు.

దామరచర్ల, అక్టోబర్ 31 : దామరచర్ల మండలంలో శుక్రవారం రాత్రి కురిసిన అకాల వర్షానికి పలు గ్రామాలలో పంటలన్నీ కూడా నేలకొరిగి పూర్తిగా నష్టం జరిగింద‌ని, నష్టపోయిన పంటలను పరిశీలించి ఎకరాకు రూ.30 వేలు పరిహారం చెల్లించాలని రైతు సంఘం మండలాధ్య‌క్షుడు మాలోత్ వినోద్ నాయక్ డిమాండ్ చేశారు. మొన్నటి వరకు ఎల్‌నినో ప్రభావంతో ఇబ్బందులు ప‌డ్డ రైతులు ఇప్పుడు అకాల వ‌ర్షం వ‌ల్ల చేతికందే ఆకాస్త పంట‌ను ద‌క్కించుకోలేక‌పోయార‌న్నారు. కాబట్టి అధికారులు క్షేత్రస్థాయిలో పర్యటించి నష్టపోయిన పంటలను అంచనా చేసి రైతుల‌కు వెంట‌నే ప‌రిహారం అందించాల‌న్నారు. లేని పక్షంలో చిన్న, సన్న కారు, మధ్య తరగతి రైతాంగాన్ని సమీకరించి పెద్ద ఎత్తున సమరశీల పోరాటాలకు నాంది పలుకుతామని హెచ్చరించారు ఈ కార్యక్రమంలో గిరిజన సంఘం సీనియర్ నాయకుడు పాపా నాయక్, సిఐటియు నాయకుడు దయానంద్, రైతులు జాను, శ్రీరాములు, సోమ్లా, నాయక్ రవి, రాంబాబు, నగేష్ పాల్గొన్నారు.