Penpahad : ధాన్యం కొనుగోలు కేంద్రం ఏర్పాటు చేయాలని సింగారెడ్డిపాలెం రైతుల వినతి

పెన్‌ప‌హాడ్ మండ‌లం సింగారెడ్డిపాలెం రైతులు వారి గ్రామంలో ఐకేపీ ధాన్యం కొనుగోలు కేంద్రాన్ని ఏర్పాటు చేయాలని కోరుతూ మంగ‌ళ‌వారం తాసీల్దార్ కార్యాలయంలో సీనియర్ అసిస్టెంట్ రాధా, మహిళా సమాఖ్య‌ కార్యాలయంలో ఏపీఎం అంజయ్యకు వినతి పత్రం అందించారు.

పెన్‌ప‌హాడ్‌, నవంబర్ 04 : పెన్‌ప‌హాడ్ మండ‌లం సింగారెడ్డిపాలెం రైతులు వారి గ్రామంలో ఐకేపీ ధాన్యం కొనుగోలు కేంద్రాన్ని ఏర్పాటు చేయాలని కోరుతూ మంగ‌ళ‌వారం తాసీల్దార్ కార్యాలయంలో సీనియర్ అసిస్టెంట్ రాధా, మహిళా సమాఖ్య‌ కార్యాలయంలో ఏపీఎం అంజయ్యకు వినతి పత్రం అందించారు. ఈ సందర్భంగా రైతులు మాట్లాడుతూ.. గ్రామంలో ఆరు సంవత్సరాల నుండి సంఘ బంధ సభ్యుల ఆధ్వర్యంలో ఐకేపీ కేంద్రాన్ని విజయవంతంగా నడిపించిన‌ట్లు తెలిపారు. అదేవిధంగా ఈ సంవత్సరం కూడా త‌మ‌ గ్రామంలో ఐకేపీ కేంద్రాన్ని ఏర్పాటు చేసి త‌మ సమస్యలను తీర్చాలని కోరారు. వేరే గ్రామానికి వెళ్లి ధాన్యం అమ్మాలంటే ఇబ్బందులు తలెత్తుతున్నాయని వారు ఆవేద‌న వ్య‌క్తం చేశారు. ఈ కార్యక్రమంలో నాగలింగం, పేర్ల లింగయ్య, హేమాద్రి, నల్లయ్య, సైదులు, గుండాల లింగయ్య, ఖమాంపటి లింగయ్య, గోపి, రామయ్య, పేర్ల వెంకన్న, చిన్న నాగయ్య, మహేశ్‌, సైదులు పాల్గొన్నారు.