పంట నష్టపోయిన రైతులకు వెంటనే పరిహారం అందించాలి : మాజీ ఎమ్మెల్యే రమావత్ రవీంద్ర కుమార్
రైతులకు నాణ్యమైన విద్యుత్ అందించడంలో కాంగ్రెస్ ప్రభుత్వం విఫలమైందని, పంటలు నష్టపోయిన రైతులకు ప్రభుత్వం వెంటనే నష్ట పరిహారం అందించాలని దేవరకొండ మాజీ ఎమ్మెల్యే రమావత్ రవీంద్ర కుమార్ అన్నారు. విద్యుత్ కోతల కారణంగా రైతులు తీవ్ర ఇబ్బందులు ఎదుర్కొంటున్నారని, సాగునీరు అందక పంటలు ఎండిపోతున్నట్లు...
చందంపేట, అక్టోబర్ 24 : రైతులకు నాణ్యమైన విద్యుత్ అందించడంలో కాంగ్రెస్ ప్రభుత్వం విఫలమైందని, పంటలు నష్టపోయిన రైతులకు ప్రభుత్వం వెంటనే నష్ట పరిహారం అందించాలని దేవరకొండ మాజీ ఎమ్మెల్యే రమావత్ రవీంద్ర కుమార్ అన్నారు. విద్యుత్ కోతల కారణంగా రైతులు తీవ్ర ఇబ్బందులు ఎదుర్కొంటున్నారని, సాగునీరు అందక పంటలు ఎండిపోతున్నట్లు ఆవేదన వ్యక్తం చేశారు. శనివారం పీఏపల్లి మండలం అంగడిపేట సబ్స్టేషన్ వద్ద విద్యుత్ కోతలను నిరసిస్తూ బీఆర్ఎస్ నాయకులు, రైతులు చేపట్టిన ముట్టడి కార్యక్రమంలో ఆయన పాల్గొని మాట్లాడారు. బీఆర్ఎస్ ప్రభుత్వ హయాంలో వ్యవసాయానికి ప్రాధాన్యత ఇవ్వడంతో వలస వెళ్లిన అనేక మంది తిరిగి వచ్చి సాగు చేసుకున్నారని, ప్రస్తుతం విద్యుత్ కోతల కారణంగా పంటలు ఎండిపోయి రైతులు మళ్లీ వలసలు వెళ్లే పరిస్థితులు ఏర్పడుతున్నాయని విమర్శించారు.
బీఆర్ఎస్ ప్రభుత్వ హయాంలో రాష్ట్ర విద్యుత్ ఉత్పత్తి సామర్థ్యాన్ని సుమారు 7,000 మెగావాట్ల స్థాయి నుంచి 20,000 మెగావాట్లకు పైగా పెంచామని, భద్రాద్రి, యాదాద్రి వంటి విద్యుత్ ప్రాజెక్టులను రాష్ట్ర భవిష్యత్ అవసరాలను దృష్టిలో ఉంచుకుని చేపట్టామని తెలిపారు. ప్రస్తుతం రాష్ట్రంలో విద్యుత్ కోతలు ఎందుకు ఏర్పడుతున్నాయి? బొగ్గు అందుబాటులో ఉన్నప్పటికీ ఆశించిన స్థాయిలో విద్యుత్ ఉత్పత్తి ఎందుకు జరగడం లేదు? అనే ప్రశ్నలకు కాంగ్రెస్ ప్రభుత్వం సమాధానం చెప్పాలని డిమాండ్ చేశారు. జూరాల పరిధిలో నీరు అందుబాటులో ఉన్నప్పటికీ నల్లగొండ జిల్లా రైతులకు సాగునీరు అందకపోవడం బాధాకరమన్నారు. గ్రామాల్లో పశువులు, మేకలకు తాగునీరు అందని పరిస్థితులు నెలకొంటున్నాయని, కొన్ని గ్రామాల్లో ప్రజలు సైతం తాగునీటి ఇబ్బందులు ఎదుర్కొంటున్నారని ఆవేదన వ్యక్తం చేశారు.
కాంగ్రెస్ ప్రభుత్వం ఇప్పటికైనా రైతుల సమస్యలపై నిర్లక్ష్యాన్ని వీడి తక్షణ చర్యలు చేపట్టాలన్నారు. విద్యుత్ కోతలను నివారించడం, సాగునీటి సదుపాయాలు కల్పించడం, కాలిపోయిన మోటార్లు, ట్రాన్స్ఫార్మర్లను మరమ్మతు చేయడం, పంటలు నష్టపోయిన రైతులకు తగిన పరిహారం అందించడం ద్వారా రైతులను ఆదుకోవాలన్నారు. బీఆర్ఎస్ పార్టీ మండలాధ్యక్షుడు వెల్లుగురి వల్లపు రెడ్డి అధ్యక్షతన జరిగిన కార్యక్రమంలో పార్టీ రాష్ట్ర నాయకులు కేతావత్ బిల్యా, రెటీనేని ముత్యపు రావు, కటికనేని మాధవ రావు, సర్పంచులు కూన్రెడ్డి రాజశేఖర్ రెడ్డి, రైనబోయిన శ్రీను, ఆడెపు నగేష్, దూదిపాల రాజేందర్ రెడ్డి, రమావత్ కిషన్, హన్మ నాయక్, నాయకులు అర్వపల్లి నర్సింహ, తోటకూరి పరమేష్, బొడ్డుపల్లి మహేందర్, మద సుధాకర్ గౌడ్, వంగల కృష్ణా రెడ్డి, గోలి గిరి, ఎర్ర యాదగిరి, దేపావత్ నరేందర్, రమావత్ శ్రీను, నిమ్మ విష్ణువర్ధన్ రెడ్డి, లోకేష్, రమావత్ దామోదర్, గిరి,వెంకటేష్, అనిల్, శివ పాల్గొన్నారు.

పంట నష్టపోయిన రైతులకు వెంటనే పరిహారం అందించాలి : మాజీ ఎమ్మెల్యే రమావత్ రవీంద్ర కుమార్
Read Today's Latest Nalgonda News in Telugu and Telugu News
RELATED ARTICLES
తాజా వార్తలు
harish Rao | కనీసం సెక్రటరీనే లేడు.. నువ్వేం ఇండస్ట్రీలను ఆకర్షిస్తావ్.. రేవంత్ రెడ్డిపై హరీశ్ రావు ఫైర్
బ్రహ్మగారిగుట్టపై వీరబ్రహ్మేంద్రస్వామికి విశేష పూజలు
Brs Party | బీఆర్ఎస్లో చేరిన ఖైరతాబాద్ కాంగ్రెస్ నేతలు.. వీడియో
Sun Group | అనిరుధ్, కావ్య మారన్ వివాహ వేడుక.. ఉద్యోగులకు బంగారం కానుకగా ఇచ్చిన సన్ గ్రూప్!
‘కృష్ణా జలాల అక్రమ తరలింపును తక్షణమే ఆపాలి’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

