Devarakonda : దేవ‌ర‌కొండ జూనియ‌ర్ కళాశాల అభివృద్ధికి కృషి : ఎమ్మెల్యే బాలునాయక్

దేవరకొండ పట్టణంలోని ప్రభుత్వ జూనియర్ కళాశాల అభివృద్ధికి తన వంతు కృషి చేస్తానని ఎమ్మెల్యే నేనావ‌త్ బాలు నాయక్ తెలిపారు. శనివారం పట్టణంలోని ప్రభుత్వ జూనియర్ బాలుర కళాశాలలో పూర్వ విద్యార్థుల సమ్మేళనం (1969-2025 బ్యాచ్) నిర్వహించారు.

దేవరకొండ, అక్టోబ‌ర్ 25 : దేవరకొండ పట్టణంలోని ప్రభుత్వ జూనియర్ కళాశాల అభివృద్ధికి తన వంతు కృషి చేస్తానని ఎమ్మెల్యే నేనావ‌త్ బాలు నాయక్ తెలిపారు. శనివారం పట్టణంలోని ప్రభుత్వ జూనియర్ బాలుర కళాశాలలో పూర్వ విద్యార్థుల సమ్మేళనం (1969-2025 బ్యాచ్) నిర్వహించారు. ముఖ్య అతిథిగా హాజ‌రైన ఎమ్మెల్యే ఈ సంద‌ర్భంగా మాట్లాడుతూ.. తాను కూడా ఇదే కళాశాలలో చదివానని గుర్తు చేస్తూ జ్ఞాప‌కాల‌ను పంచుకున్నారు. ఈ క‌ళాశాల‌లో విద్య‌న‌భ్య‌సించిన ఎంతోమంది స‌మాజంలో చాలా ఉన్న‌త స్థాయిల్లో ఉన్న‌ట్లు చెప్పారు. స్వర్గీయ మాజీ ఎంపీ జైపాల్ రెడ్డి పేరుతో కళాశాల అభివృద్ధికి కృషి చేస్తానని తెలిపారు. ఈ కార్యక్రమంలో మార్కెట్ కమిటీ చైర్మన్ జమున మాధవరెడ్డి, శ్రీశైలం దేవస్థానం ట్రస్ట్ మెంబర్ కాశీనాథ్, దేవరకొండ మాజీ మున్సిపల్ చైర్మన్ అలంపల్లి నరసింహ, సిపిఐ రాష్ట్ర కార్యదర్శి పల్లా నర్సింహారెడ్డి, రాము చౌహాన్, లాలూ నాయక్, అంకురి రమేశ్‌, కొండయ్య పాల్గొన్నారు.