ఎంపీ చామల కనిపించడం లేదంటూ చౌటుప్పల్ పోలీస్ స్టేషన్లో ఫిర్యాదు
భువనగిరి ఎంపీ చామల కిరణ్కుమార్ రెడ్డి నియోజకవర్గంలో కనిపించడం లేదని పేర్కొంటూ చౌటుప్పల్ పోలీస్ స్టేషన్లో బీఆర్ఎస్ రాష్ట్ర నాయకుడు సుర్వి యాదయ్య గౌడ్ ఫిర్యాదు చేశారు. అనంతరం స్థానికంగా ఉన్న బాబాసాహెబ్ డాక్టర్ బి.ఆర్. అంబేద్కర్ విగ్రహానికి వినతిపత్రం అందజేశారు.
– మునుగోడు ప్రజలకు అందుబాటులో లేని ఎంపీ
– బీఆర్ఎస్ రాష్ట్ర నాయకుడు సుర్వి యాదయ్య గౌడ్
చౌటుప్పల్, నవంబర్ 19 : భువనగిరి ఎంపీ చామల కిరణ్కుమార్ రెడ్డి నియోజకవర్గంలో కనిపించడం లేదని పేర్కొంటూ చౌటుప్పల్ పోలీస్ స్టేషన్లో బీఆర్ఎస్ రాష్ట్ర నాయకుడు సుర్వి యాదయ్య గౌడ్ ఫిర్యాదు చేశారు. అనంతరం స్థానికంగా ఉన్న బాబాసాహెబ్ డాక్టర్ బి.ఆర్. అంబేద్కర్ విగ్రహానికి వినతిపత్రం అందజేశారు. ఈ సందర్భంగా సుర్వి యాదయ్య గౌడ్ మాట్లాడుతూ.. మునుగోడు నియోజకవర్గ ప్రజల ఓట్లతో ఎంపీగా గెలుపొందిన చామల కిరణ్ కుమార్ రెడ్డి ఎన్నికల్లో గెలిచినప్పటి నుండి నియోజకవర్గ ప్రజలకు అందుబాటులో ఉండటం లేదని విమర్శించారు. హైదరాబాద్, ఢిల్లీ రాజకీయాలకే పరిమితమవుతూ మునుగోడు ప్రజా సమస్యలను పట్టించుకోవడం లేదన్నారు. చౌటుప్పల్లో 100 పడకల ప్రభుత్వ ఆస్పత్రి ప్రారంభానికి నోచుకోకపోవడం, రాచకొండ సాగునీటి పథకం, శివన్నగూడెం ప్రాజెక్టు, డిండి లిఫ్ట్ ఇరిగేషన్ పనుల్లో జాప్యం, జాతీయ రహదారి పనులు నత్తనడకన సాగడం వంటి సమస్యలపై ఎంపీ చొరవ చూపాలన్నారు.
అలాగే ధాన్యం కొనుగోలు కేంద్రాల్లో ధాన్యం నిలిచిపోవడంతో రైతులు తీవ్ర ఇబ్బందులు ఎదుర్కొంటున్నారని, రైతుల సమస్యలను వెంటనే పరిష్కరించేలా సంబంధిత అధికారులతో మాట్లాడాలని డిమాండ్ చేశారు. ప్రజల ఓట్లతో గెలిచిన ఎంపీ ప్రజలకు జవాబుదారీగా ఉండాలని, మునుగోడు నియోజకవర్గానికి తరచూ వచ్చి ప్రజల సమస్యలను స్వయంగా తెలుసుకోవాలన్నారు. పెండింగ్లో ఉన్న అభివృద్ధి పనులను పూర్తి చేయించడంతో పాటు కేంద్ర ప్రభుత్వం నుంచి అధిక నిధులు తీసుకొచ్చి నియోజకవర్గ అభివృద్ధికి కృషి చేయాలని కోరారు. ఈ కార్యక్రమంలో మార్కెట్ కమిటీ మాజీ చైర్మన్ బొడ్డు శ్రీనివాస్ రెడ్డి, రాష్ట్ర యువజన సంఘం నాయకుడు ఉప్పు కృష్ణ, బీఆర్ఎస్ మండల నాయకుడు బాతరాజు యాదగిరి, సుర్వి లింగస్వామి, శేఖర్ గౌడ్, పాలకూరి నవీన్ పాల్గొన్నారు.
Read Today's Latest Nalgonda News in Telugu and Telugu News
RELATED ARTICLES
తాజా వార్తలు
ఎంపీ చామల కనిపించడం లేదంటూ చౌటుప్పల్ పోలీస్ స్టేషన్లో ఫిర్యాదు
Minister Seethakka | మహిళతో కాళ్లు మొక్కించుకున్న మంత్రి సీతక్క.. వీడియో
సంబంధం ఉన్న పోలీస్ అధికారిని.. ముగ్గురితో కలిసి హత్య చేసిన మహిళా కానిస్టేబుల్
ధర్వేశిపురం శ్రీ రేణుక ఎల్లమ్మ ఆలయానికి మహర్దశ
ప్రమాద రహిత సింగరేణి.. నూతన కార్మిక భద్రతా నిబంధనలపై అవగాహన శిబిరం
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

