సంబంధం ఉన్న పోలీస్ అధికారిని.. ముగ్గురితో కలిసి హత్య చేసిన మహిళా కానిస్టేబుల్
Woman Constable, 3 Others Kill Cop | వివాహేతర సంబంధం ఉన్న పోలీస్ అధికారిని ఒక మహిళా హెడ్ కానిస్టేబుల్ హత్య చేసింది. మరో ముగ్గురితో కలిసి ఆయన కారులో మృతదేహం ఉంచి నిప్పంటించింది. దర్యాప్తు చేసిన పోలీసులు ఆ మహిళా కానిస్టేబుల్, ఆమె సోదరుడు, మరో ఇద్దరిని అరెస్ట్ చేశారు.
అహ్మదాబాద్: వివాహేతర సంబంధం ఉన్న పోలీస్ అధికారిని ఒక మహిళా హెడ్ కానిస్టేబుల్ హత్య చేసింది. మరో ముగ్గురితో కలిసి ఆయన కారులో మృతదేహం ఉంచి నిప్పంటించింది. దర్యాప్తు చేసిన పోలీసులు ఆ మహిళా కానిస్టేబుల్, ఆమె సోదరుడు, మరో ఇద్దరిని అరెస్ట్ చేశారు. (Woman Constable, 3 Others Kill Cop) గుజరాత్లోని అరవల్లి జిల్లాలో ఈ సంఘటన జరిగింది. 45 ఏళ్ల ఏఎస్ఐ అశ్విన్భాయ్ తబియాద్, 37 ఏళ్ల మహిళా హెడ్ కానిస్టేబుల్ అల్ఫాబెన్ కెలాస్వా కలిసి సబర్కాంత జిల్లాలోని చిథోడా పోలీస్ స్టేషన్లో పనిచేస్తున్నారు.
కాగా, నవంబర్ 10న అరవల్లి జిల్లాలోని భిలోడా ప్రాంతంలో పూర్తిగా కాలిన మారుతి ఎర్టిగా కారును స్థానికులు గుర్తించి పోలీసులకు సమాచారం ఇచ్చారు. ఆ కారులో కాలిపోయిన మానవ అస్థిపంజరాన్ని పోలీసులు గుర్తించి పోస్ట్మార్టం కోసం తరలించారు. కారు నంబర్ ప్లేట్, డీఎన్ఏ టెస్ట్ ఆధారంగా మృతుడిని ఏఎస్ఐ అశ్విన్భాయ్ తబియాద్గా గుర్తించారు. తొలుత ప్రమాదవశాత్తూ జరిగిన మరణంగా పోలీసులు కేసు నమోదు చేశారు. ఆ ఏఎస్ఐ సోదరుడు ఫిర్యాదుతో నవంబర్ 16న హత్య కేసుగా మార్పు చేసి దర్యాప్తు చేశారు. సీసీటీవీ ఫుటేజ్, ఇతర సాంకేతిక ఆధారాలతో నిందితులను గుర్తించారు. మహిళా హెడ్ కానిస్టేబుల్ అల్ఫాబెన్, మరో ముగ్గురిని నిందితులుగా గుర్తించి ప్రశ్నించగా ఆ పోలీస్ అధికారి హత్య మిస్టరీ వీడింది.
మరోవైపు ఒకే పోలీస్ స్టేషన్లో పని చేస్తున్న ఏఎస్ఐ అశ్విన్భాయ్ తబియాద్, 37 ఏళ్ల మహిళా హెడ్ కానిస్టేబుల్ అల్ఫాబెన్ మధ్య వివాహేతర సంబంధం ఏర్పడినట్లు దర్యాప్తులో పోలీసులు తెలుసుకున్నారు. అయితే ఆ సంబంధాన్ని ముగించాలని అల్ఫాబెన్ భావించగా, పోలీస్ అధికారి అశ్విన్ మాత్రం కొనసాగించాలని ఆమెపై ఒత్తిడి తెచ్చాడు. ఈ నేపథ్యంలో ఆయనను హత్య చేయాలని అల్ఫాబెన్ ప్లాన్ వేసింది. నవంబర్ 8న రాత్రి వేళ చిథోడాలోని తన అద్దె ఇంటికి అశ్విన్ను ఆమె రప్పించింది. తన కారులో అక్కడకు వచ్చిన ఆయన ఆ రాత్రి అల్ఫాబెన్ ఇంట్లో బస చేయగా ఆమె హత్య చేసింది.
మరునాడు అల్ఫాబెన్ సహాయం కోసం తన సోదరుడైన 36 ఏళ్ల కల్పేష్భాయ్ కెలాస్వాకు ఫోన్ చేసింది. కల్పేష్ తన కజిన్ అయిన 28 ఏళ్ల పంకజ్ కుమార్తో కలిసి మారుతి ఈకో కారులో సోదరి ఇంటికి చేరుకున్నారు. వాళ్ళిద్దరూ కలిసి అశ్విన్ మృతదేహాన్ని ఒక సంచిలో ఉంచి ఆ రోజంతా ఇంట్లో దాచారు. ఆ తర్వాత పంకజ్ ఆ పోలీస్ అధికారి కారును సమీపంలోని అటవీ ప్రాంతానికి నడుపుకుంటూ వెళ్లాడు. అల్ఫాబెన్, ఆమె సోదరుడు కల్పేష్ తన కారులో వారిని అనుసరించారు.

Other Accused
అయితే కల్పేష్, అతడి స్నేహితుడైన 33 ఏళ్ల మనోజ్కుమార్ నినామా కలిసి విజయ్నగర్ ప్రాంతంలోని బంకు నుంచి పెట్రోల్ కొనుగోలు చేశారని పోలీస్ అధికారి తెలిపారు. నవంబర్ 9 రాత్రి వేళ పోలీస్ అధికారి అశ్విన్కు చెందిన ఎర్టిగాలోకి ఆయన మృతదేహం ఉన్న సంచిని ఉంచి హత్మతి నది సమీపానికి దానిని నడిపినట్లు చెప్పారు. అక్కడ అల్ఫాబెన్, కల్పేష్, మనోజ్ కలిసి పోలీస్ అధికారి అశ్విన్ మృతదేహం, ఆయన వాహనంపై పెట్రోల్ పోసి నిప్పంటించి సాక్ష్యాలను నాశనం చేసేందుకు వారు ప్రయత్నించినట్లు వివరించారు.
కాగా, అకస్మాత్తుగా మంటలు చెలరేగడంతో అల్ఫాబెన్ ముఖం, చేతులు, శరీరంపై కాలిన గాయాలు కావడంతో ఆమె చికిత్స పొందినట్లు పోలీస్ అధికారి తెలిపారు. ఆసుపత్రిలో అల్ఫాబెన్ను ప్రశ్నించడంతో పాటు మిగిలిన ముగ్గురిని అదుపులోకి తీసుకున్నట్లు చెప్పారు. విచారణలో నలుగురు నిందితులు తమ నేరాన్ని అంగీకరించారని అన్నారు. ఏఎస్ఐ అశ్విన్ హత్య కుట్రలో వినియోగించిన మారుతి ఈకో వాహనాన్ని స్వాధీనం చేసుకున్నట్లు ఆ పోలీస్ అధికారి వివరించారు. ఈ కేసుపై తదుపరి దర్యాప్తు కొనసాగుతోందని వెల్లడించారు.
Read Today's Latest National News in Telugu and Telugu News
RELATED ARTICLES
తాజా వార్తలు
Minister Seethakka | మహిళతో కాళ్లు మొక్కించుకున్న మంత్రి సీతక్క.. వీడియో
సంబంధం ఉన్న పోలీస్ అధికారిని.. ముగ్గురితో కలిసి హత్య చేసిన మహిళా కానిస్టేబుల్
ధర్వేశిపురం శ్రీ రేణుక ఎల్లమ్మ ఆలయానికి మహర్దశ
ప్రమాద రహిత సింగరేణి.. నూతన కార్మిక భద్రతా నిబంధనలపై అవగాహన శిబిరం
Women | మా పిల్లలకు జాబుల్లేవ్, కరెంట్ బిల్లు కూడా మాఫీ లేదు.. రేవంత్ రెడ్డికి సభకు వచ్చిన మహిళ
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

