కేంద్రీయ విద్యాలయంలో బాల‌వాటిక 3, త‌ర‌గ‌తి 1లో అడ్మిషన్లు ప్రారంభం

నల్లగొండలోని కేంద్రీయ విద్యాలయంలో బాలవాటిక 3, తరగతి 1లో అడ్మిషన్ల‌కై అర్హులు శుక్రవారం నుండి ఆన్‌లైన్‌లో దరఖాస్తులు చేసుకోవాలని నల్లగొండ కేంద్రీయ విద్యాలయం ప్రిన్సిపాల్ జి.శ్రీనివాసులు ఒక ప్రకటనలో తెలిపారు.

రామగిరి, మార్చి 20 : నల్లగొండలోని కేంద్రీయ విద్యాలయంలో బాలవాటిక 3, తరగతి 1లో అడ్మిషన్ల‌కై అర్హులు శుక్రవారం నుండి ఆన్‌లైన్‌లో దరఖాస్తులు చేసుకోవాలని నల్లగొండ కేంద్రీయ విద్యాలయం ప్రిన్సిపాల్ జి.శ్రీనివాసులు ఒక ప్రకటనలో తెలిపారు. https:/admission kvs gov.in వెబ్‌సైట్‌లో ఏప్రిల్ 2లోగా దరఖాస్తులు చేసుకోవాలన్నారు. అదేవిధంగా 2వ తరగతి నుండి 9 వతరగతి వరకు అడ్మిషన్లకై దరఖాస్తుల ప్రక్రియ మార్చి 31 తర్వాత ప్రారంభం అవుతుంద‌ని, ఖాళీల ప్రకారం దరఖాస్తులను కేవీ స్కూల్లో ఏప్రిల్ 2 నుండి 8వ తేదీ వరకు జరుగుతుందని తెలిపారు. పూర్తి వివరాలకు https://kvsangathan.nic.in/en/admission సంప్రదించవచ్చని వెల్లడించారు. అదే విధంగా 2026-27 విద్యా సంవ‌త్స‌వ‌రం ఇంటర్మీడియేట్ మొదటి సంవత్సరం అడ్మిషన్స్ సీబీఎస్ఈ తరగతి 10వ‌ తరగతి ఫలితాల తర్వాత మాత్రమే దరఖాస్తులు ఇవ్వబడతాయ‌ని తెలిపారు.