నేడు టీఎస్‌ పాలిసెట్‌

పాలిటెక్నిక్‌ డిప్లొమా కోర్సులో ప్రవేశానికి నిర్వహించే టీఎస్‌ పాలిసెట్‌ - 2023 బుధవారం జరుగనుంది. ఈ పరీక్షకు ఉమ్మడి నల్లగొండ జిల్లా వ్యాప్తంగా 9,005 మంది విద్యార్థులు హాజరుకానున్నారు. వీరికోసం 26 పరీక్ష కేంద్రాలు ఏర్పాటు చేశారు. ఉదయం 11 నుంచి మధ్యాహ్నం 1:30 గంటల వరకు పరీక్ష జరుగనున్నది.

• ఉదయం 11 నుంచి మధ్యాహ్నం 1:30 వరకు పరీక్ష
• నిమిషం ఆలస్యమైనా అనుమతి లేదు
• ఉమ్మడి జిల్లాలో హాజరు కానున్న 9,005 మంది విద్యార్థులు

రామగిరి, మే 15 : పాలిటెక్నిక్‌ డిప్లొమా కోర్సులో ప్రవేశానికి నిర్వహించే టీఎస్‌ పాలిసెట్‌ – 2023 బుధవారం జరుగనుంది. ఈ పరీక్షకు ఉమ్మడి నల్లగొండ జిల్లా వ్యాప్తంగా 9,005 మంది విద్యార్థులు హాజరుకానున్నారు. వీరికోసం 26 పరీక్ష కేంద్రాలు ఏర్పాటు చేశారు. ఉదయం 11 నుంచి మధ్యాహ్నం 1:30 గంటల వరకు పరీక్ష జరుగనున్నది. నిర్ణీత సమయం కంటే నిమిషం ఆలస్యమైనా అనిమతించమని రీజినల్‌ కోఆర్డినేటర్‌, నల్లగొండ ప్రభుత్వ పాలిటెక్నిక్‌ కళాశాల ప్రిన్సిపాల్‌ పి.జానకీదేవి తెలిపారు. పరీక్ష కేంద్రాలల్లో మౌలిక వసతులు కల్పించినట్లు పేర్కొన్నారు.

విద్యార్థులు ఇలా హాజరు కావాలి

• పరీక్ష కేంద్రాలకు నిర్ణీత సమయం కంటే గంట ముందుగానే చేరుకోవాలి.
• హాల్‌టికెట్‌, బ్లూ, బ్లాక్‌ పెన్‌, పెన్సిల్‌, ఎరైజర్‌, రైటింగ్‌ ప్యాడ్‌ వెంట తెచ్చుకోవాలి.
• హాల్‌టికెట్‌పై ఫొటో లేని విద్యార్థులు తమ పాస్‌పోర్ట్‌ సైజ్‌ ఫొటోను, ఒరిజినల్‌ ఐడీ ప్రూఫ్‌ వెంట తీసుకొని వెళ్లాలి.
• ఎలక్ట్రానిక్‌ వస్తువులను పరీక్ష కేంద్రంలోకి అనుమతించరు.