VSP Ispat industry | వీఎస్పీ ఇస్పత్ పరిశ్రమలో ఐటీ అధికారుల సోదాలు

చందాపూర్ శివారులోని వీఎస్పీ ఇస్పాత్ ప్రైవేట్ లిమిటెడ్ పరిశ్రమలో ఐటీ అధికారులు సోదాలు జరుపుతున్నట్లు విశ్వసనియ సమాచారం.

హత్నూర, సెప్టెంబర్ 23 : సంగారెడ్డి జిల్లా హత్నూర మండలం చందాపూర్ శివారులోని వీఎస్పీ ఇస్పాత్ ప్రైవేట్ లిమిటెడ్ పరిశ్రమలో ఐటీ అధికారులు సోదాలు జరుపుతున్నట్లు విశ్వసనియ సమాచారం. పరిశ్రమలో ఐరెన్ రాడ్ ఉత్పత్తులను చేపడుతుండగా పరిశ్రమ యజమాన్యం ఇన్‌కం ట్యాక్స్ అధికారులకు ఆదాయ వ్యయాలకు సంబంధించి లెక్కలు సక్రమంగా చూపకపోవడం, లేక ఆదాయ పన్ను సక్రమంగా చెల్లించకపోవడంతో అధికారులు సోదలు జరుపుతున్నట్లు తెలుస్తుంది.

కాగా, ఐటీ అధికారులు సోదలు జరుపుతున్నట్లు విషయం స్థానిక మీడియాకు తెలియడంతో వార్త కవరేజికి పరిశ్రమ వద్దకు వెళ్లగా పరిశ్రమ సిబ్బంది లోపలికి అనుమతించలేదు.