సర్పంచ్‌గా పోటీ చేసేందుకు అర్హతలు

గ్రామ పంచాయతీ ఎన్నికల నేపథ్యంలో సర్పంచ్‌గా పోటీ చేసే అభ్యర్థి అర్హతలు, నామినేషన్‌ వేసే విధానం,తరతర వివరాలు ఇలా ఉన్నాయి.

మునిపల్లి, నవంబర్‌ 26: గ్రామ పంచాయతీ ఎన్నికల నేపథ్యంలో సర్పంచ్‌గా పోటీ చేసే అభ్యర్థి అర్హతలు, నామినేషన్‌ వేసే విధానం,తరతర వివరాలు ఇలా ఉన్నాయి.

• అభ్యర్థి కనీసం 21 ఏండ్ల వయస్సు నిండి ఉండాలి.
• ఏ గ్రామంలో పోటీ చేస్తే ఆ గ్రామంలో ఓటరుగా నమోదై ఉండాలి.
• క్రిమినల్‌ కేసుల్లో శిక్ష పడడం,దివాలా తీయడం,ప్రభుత్వానికి లేదా స్థానిక సంస్థలకు బకాయిలు ఉంటే సదరు అభ్యర్థిని అనర్హుడిగా ప్రకటించవచ్చు.
• పోటీ చేసే స్థానం ఏదైనా రిజర్వేషన్‌(ఎస్సీ,ఎస్టీ, బీసీ, మహిళ)కు కేటాయించబడి ఉంటే,ఆ రిజర్వేషన్‌ వర్గానికి చెందినవారై ఉండాలి.

నామినేషన్‌ ప్రక్రియ..

• సర్పంచ్‌, వార్డు సభ్యుల నామినేషన్లను స్వీకరించడానికి ఎన్నికల సంఘం తరపున ఒక రిటర్నింగ్‌ అధికారిని నియమిస్తారు.
• అభ్యర్థి గ్రామ పంచాయతీ ఎన్నికల కోసం రాష్ట్ర ఎన్నికల సంఘం జారీ చేసిన నిర్ణీత నమునా(ఫారం)లో నామినేషన్‌ పత్రాన్ని పూరించాలి.
• స్వీయ ప్రకటన (సెల్ఫ్‌ డిక్లరేషన్‌)మీ నేర చరిత్ర, ఆస్తులు, అప్పులు, విద్యార్హతలు, మొదలైన వివరాలతో కూడిన స్వీయ ప్రకటన పత్రాన్ని తప్పనిసరిగా సమర్పించాలి.

అవసరమయ్యే పత్రాలు..

• ఓటరు జాబితాలో పేరు,రిజర్వేషన్‌ వర్గానికి చెందిన వారైతే కుల ధ్రువీకరణ పత్రం,సంతానం వివరాల పత్రం,డిపాజిట్‌ చెల్లించిన రసీదు, స్వీయప్రకటన పత్రం మొదలైనవి సమర్పించాలి.
• అభ్యర్థి స్వయంగా లేదా,అతని, ఆమె ప్రతిపాదకుడి ద్వారా ఎన్నికల రిటర్నింగ్‌ అధికారికి నామినేషన్‌ పత్రాలు సమర్పించాలి.

ముఖ్య గమనిక..

• ఎన్నికల షెడ్యూల్‌ విడుదలైనప్పడు రాష్ట్ర ఎన్నికల సంఘం జారీచేసే అధికారిక నోటిఫికేషన్‌ మార్గదర్శకాలను పూర్తిగా చదవడం చాలా ముఖ్యం. ఎందుకంటే నియమాలు, ఫారాలు సమర్పించే స్థలం ఎన్నికల సమయాన్ని బట్టి మారవచ్చు.
• డిపాజిట్‌ రుసుం జనరల్‌ సర్పంచ్‌ అభ్యర్థికి రూ.2000,వార్డు అభ్యర్థికి రూ.500.
• రిజర్వుడ్‌ కేటగిరీ సర్పంచ్‌ అభ్యర్థుల డిపాజిట్‌ రుసుం రూ.1000,వార్డు అభ్యర్థికి రూ.250.
• అభ్యర్థి తన గుర్తింపు కార్డు కోసం ఫొటోను సమర్పించాలి.
• స్క్రూట్నీ రోజున నిర్ణీత సమయానికి రిటర్నింగ్‌ ఆఫీసర్‌ ఎదురుగా హాజరు కావాలి.

నామినేషన్‌ వేసే ముందు..

1. వయస్సు 21 ఏండ్లు నిండాలి.
2. సంబంధిత ఓటరు లిస్టులో ఓటరుగా నమోదై ఉండాలి.
3. ఎస్సీ, ఎస్టీ, బీస్సీ వారైతే కులధ్రవపత్రం జతపర్చాలి.
4. డిపాజిట్‌ సొమ్ము కట్టాలి.
5. నేరచరిత్ర, చర, స్థిరాస్తులు, విద్యార్హతలతో కూడిన అఫిడవిటి ఇద్దరు సాక్ష్యాలతో సంతకం పెట్టించి అందించాలి.
6. ఎలక్షన్‌ ఎక్స్‌పండిచర్‌ మెయింటెన్‌ చేస్తానని డిక్లరేషన్‌ ఇవ్వాలి.
7. ఏదైతే స్థానం నుంచి పోటీ చేస్తున్నారో ఆ స్థానం నుంచి ఓటరు మాత్రమే ప్రతిపాదకుడిగా ఉండాలి.
8. నామినేషన్‌ పత్రంలో…

• పార్ట్‌-1లో ప్రతిపాదకుడి సంతకం ఉండాలి.
• పార్ట్‌-2లో అభ్యర్థి సంతకం ఉండాలి.
• పార్ట్‌-3లో కూడా అభ్యర్థి సంతకం ఉండాలి.
• పార్ట్‌-4లో ఆర్వో సంతకం ఉండాలి.
• పార్ట్‌-5లో రిజిక్ట్‌ నామినేషన్‌లో ఆర్వో సంతకం ఉండాలి.
• పార్ట్‌-6లో రిసిప్ట్‌లో ఆర్వో సంతకం,అభ్యర్థి సంతకం ఉండాలి.

9. అఫిడవిట్‌లో ఇద్దరు సాక్షుల సంతకం,అభ్యర్థి సంతకం ఉండాలి.
10. ఎక్స్‌పండిచర్‌ డిక్లరేషన్‌లో అభ్యర్థి సంతకం ఉండాలి.