టెన్‌షన్‌ వద్దు..

విద్యార్థులకు పదో తరగతి కీలకమైంది. పరీక్షలు వస్తున్నా యంటే విద్యార్థుల్లో ఆందోళన ఉంటుంది. ఈ నేపథ్యంలో విద్యార్థుల్లో ఆత్మవిశ్వాసం పెంచేలా తల్లిదండ్రులు దిశానిర్దేశం చేయా లని మానసిక నిపుణులు సూచిస్తున్నారు. విద్యా ర్థులు కష్టపడి కాకుండా ఇష్టపడి రివిజన్‌ చేసుకుంటూ పరీక్షలకు ఆత్మ విశ్వాసంతో సన్నద్ధం కావాలని సూచిస్తున్నారు

నిద్ర, ఆహారం విషయంలో నిర్లక్ష్యమొద్దు
ఇష్టంగా చదివితే అద్భుత ఫలితాలు
పతి సబ్జెక్టుకు సమయపాలన అవసరం
విద్యార్థుల వెన్నంటే తల్లిదండ్రులు ఉండాలి
మానసిక నిపుణుల సూచనలు

కొమురవెల్లి, మే 18 : విద్యార్థులకు పదో తరగతి కీలకమైంది. పరీక్షలు వస్తున్నా యంటే విద్యార్థుల్లో ఆందోళన ఉంటుంది. ఈ నేపథ్యంలో విద్యార్థుల్లో ఆత్మవిశ్వాసం పెంచేలా తల్లిదండ్రులు దిశానిర్దేశం చేయా లని మానసిక నిపుణులు సూచిస్తున్నారు. విద్యా ర్థులు కష్టపడి కాకుండా ఇష్టపడి రివిజన్‌ చేసుకుంటూ పరీక్షలకు ఆత్మ విశ్వాసంతో సన్నద్ధం కావాలని సూచిస్తున్నారు. ఇంటర్‌, పదో తరగతి పరీక్షలకు సిద్ధమయ్యే విద్యార్థులకు కొన్ని సూచనలు చేస్తున్నారు.

• విద్యార్థులు పరీక్షల సమయంలో నిర్దష్ట లక్ష్యం పెట్టుకొని, ఒక ప్రణాళిక ప్రకారం చదువుతూ ఉండాలి. కనీసం గంటకు ఒక్కసారైనా రిలాక్స్‌గా ఉండి, తర్వాత చదవాలి. దీంతో మానసిక ఒత్తిడి తగ్గుతుంది.
• ఒక సబ్జెక్టులో ఎన్ని మార్కులు వస్తాయి? ఆ సబ్జెక్టుపై ఉన్న పట్టు ఏమిటో విద్యార్థికి స్పష్టంగా తెలుస్తుంది. ఈ నేపథ్యంలో అందుకనుగుణంగా పరీక్ష ప్రిపరేషన్‌ ఉండాలి. ప్రతిసారి లక్ష్యం గుర్తుచేసుకోవాలి. ఒకే రోజు ఒక సబ్జెక్టు మొత్తం చదవడానికి ప్రయత్నం చేయొద్దు. అలా చేస్తే నష్టమే అధికంగా ఉంటుంది. ఏ సబ్జెక్టు ఎన్ని గంటలు చదవాలి అనేది ఒక ప్రణాళిక వేసుకోవాలి.
• చదువుకునే సమయంలో వచ్చే సందేహాలపై ఒక నోట్స్‌ రాసుకొని ఎప్పటికప్పుడు ఉపాధ్యాయుల ద్వారా నివృత్తి చేసుకోవాలి. దీనిని వాయిదా వేయడం మంచిదికాదు.
• ఏ సబ్జెక్టు నాకు రాదని నిరుత్సాహపడకూడదు. సంవత్స రం మొత్తం చదివిన ప్రశ్నలు, పాఠ్యాంశాలే కనుక ఒక సారి లేదా రెండు సార్లు చదివితే చాలు గుర్తుండిపోతా యి. నిరాశ, నిరుత్సాహాన్ని ఏమాత్రం మనసులోకి రాని వ్వకూడదు. ఆత్మవిశ్వసంతో పరీక్షలకు సన్నద్ధం కావాలి.
• పరీక్షల సమయంలో నిద్ర, ఆహారాన్ని నిర్లక్ష్యం చేయరా దు. వీలైనంత వరకు సాత్వికాహారం తీసుకోవడంతో శరీరంపై ఒత్తిడి ఉండదు.
• తల్లిదండ్రులు పరీక్షలు పూర్తయ్యేవరకు విద్యార్థులను ఒక కంట కనిపెడుతూ ఉండాలి. స్టడీ ఆవర్స్‌, ఆహారం, నిద్ర విషయాలు గమనించి అందుకనుగుణంగా చేయూతాని వ్వాలి. సాధ్యమైనంత వరకు ప్రతి విషయాన్ని నిదానం గా చెప్పడం మంచిది.
• విద్యార్థులు చదువుకునే సమయంలో టీవీ సెల్‌ఫోన్లు దూరం పెట్టాలి.
• చదువుకునే సమయంలో పెద్ద ప్రశ్నలు, చిన్న ప్రశ్నలు బిట్‌ పేపర్‌, గ్రామర్‌ ఇలా విభజించుకొని చదువుకుంటే సులభంగా ఎక్కువ సబ్జెక్టులు కవరయ్యే అవకాశం ఉంది. చదివిన వాటిని ఒకటికి రెండు సార్లు పునశ్చరణ చేసుకోవడంతో పాటు వీలయితే నోట్స్‌ రాసుకోవడం వలన మరిచిపోయే అవకాశం ఉండదు. అదే విధంగా స్నేహితులకు ప్రశ్నలకు జవాబులు అప్పజెప్పడంతో ప్రయోజనం ఉంటుంది.

రాత్రి పూట సాధ్యమైనంత వరకు పదిలోపు చదవడం పూర్తి చేయాలి. నిద్రకు కనీసం ఆరు నుంచి ఎనిమిది గంటలు కేటాయించాలి. తెల్లవారుజామున 4 లేదా 5గంటలకు నిద్ర లేచి ప్రిపరేషన్‌ ప్రారంభిస్తే మానసిక ఒత్తిడి ఉండదు. ఈ సమయంలో మనసు ప్రశాంతంగా ఉండటంతో సబ్జెక్టు సులభంగా అర్థమయ్యే అవకాశం ఉంటుంది.