మామిడి ఎగుమతులు అదుర్స్
మామిడి పండ్ల సీజన్ ప్రారంభం కావడంతో మామిడి తోటలకు నెలవైన హుస్నాబాద్ నుంచి నిత్యం వివిధ రాష్ర్టాలకు టన్నులకొద్దీ మామిడికాయల ఎగుమతి సాగుతున్నది.
- హుస్నాబాద్లో ఊపందుకున్న మామిడి విక్రయాలు
- వివిధ రాష్ర్టాలకు 50 టన్నులకుపైగా ఎగుమతి
- టన్నుకు రూ.30వేల నుంచి 40వేల వరకు ధర
- రైతులకు తప్పిన దళారుల బాధ
- రవాణా ఖర్చులు తగ్గడంతో లాభపడుతున్న కర్షకులు
హుస్నాబాద్ టౌన్, మే 4: మామిడి పండ్ల సీజన్ ప్రారంభం కావడంతో మామిడి తోటలకు నెలవైన హుస్నాబాద్ నుంచి నిత్యం వివిధ రాష్ర్టాలకు టన్నులకొద్దీ మామిడికాయల ఎగుమతి సాగుతున్నది. స్థానికంగానే మార్కెట్ ప్రారంభం కావడంతో రైతులకు సైతం ఉపయోగకరంగా మారింది. హుస్నాబాద్ అనగానే పండ్ల తోటల సాగుకు పెట్టింది పేరు. హుస్నాబాద్తోపాటు చుట్టుపక్కల మండలాల్లో వందలాది ఎకరాల్లో మామిడి తోటలు సాగు చేస్తున్నారు.
మామిడితోటలకు నిలయం…
హుస్నాబాద్తోపాటు చుట్టుపక్కల మండలాల్లో వందలాది ఎకరాల్లో రైతులు మామిడి తోటల పెంపకం చేపట్టారు. మామిడి తోటల్లో బంగినపల్లి, దసిరి, ఇమాయిత్ తదితర రకాల సాగుచేస్తున్నారు. హుస్నాబాద్ వ్యవసాయ మార్కెట్ యార్డులో మామిడికాయల కొనుగోళ్లు ప్రారంభమయ్యాయి. గతంలో వరంగల్, కరీంనగర్ తదితర ప్రాంతాలకు తీసుకెళ్లి మామిడి కాయలు విక్రయించుకునే పరిస్థితి ఉండేది. నాలుగేండ్లుగా స్థానికంగానే మార్కె ట్ ప్రారంభం కావడంతో రైతులు ఇక్కడే విక్రయిస్తున్నారు. టన్ను మామిడికాయలకు రూ. 30 నుంచి రూ.40వేల వరకు ధర పలుకుతున్నది. రైతుల నుంచి కొనుగోలు చేసిన మామిడికాయలను ఎప్పటికప్పుడు కూలీలతో బుట్టల్లో ప్యాకింగ్ చేయిస్తున్నారు. ప్యా కింగ్ చేసిన మామిడి కాయలను మధ్యప్రదేశ్, ఉత్తరాఖండ్, ఉత్తరప్రదేశ్, హర్యానా, రాజస్థాన్ రాష్ర్టాలకు ఎగుమతి చేస్తున్నారు. ఈ సీజన్లో ఇప్పటి వరకు వివిధ రాష్ర్టాలకు 50 టన్నులకు పైగా ఎగుమతి చేశారు.
రైతులు కోరిన ధర పెడుతున్నం..
మామిడి కాయలకు రైతులు కోరుకున్న ధరను పెడుతున్నం. ఇక్కడి రైతులకు లాభం చేకూర్చేందుకే మార్కెట్ ప్రారంభించాం. కరీంనగర్, వరంగల్ మాదిరిగా ధరలు ఉండడంతో దూరప్రాంతాల నుంచి రైతులు హుస్నాబాద్కు వచ్చి అమ్ముకుంటున్నారు. ఎంత సరుకు వచ్చినా కొనేందుకు సిద్ధంగా ఉన్నం.
– సందీప్, వ్యాపారి, హుస్నాబాద్
రైతులకు ఉపయోగం..
హుస్నాబాద్లో మామిడి మార్కెట్ ఏర్పాటు చేయడం రైతులకు ఎంతో ఉపయోగంగా ఉంది. గతంలో స్థానికంగా మార్కెట్ లేక రైతులు దళారులకు తోటలు అప్పగించే వారు. వాళ్లు పూర్తిస్థాయిలో రైతులకు డబ్బులు ఇవ్వక ఇబ్బందులు పెట్టేవారు. ఇప్పుడు మార్కెట్ హుస్నాబాద్లోనే ఉండడంతో రైతులు మామిడికాయలను తెచ్చి అమ్ముకుంటున్నారు. రవాణా డబ్బులు మిగులుతున్నాయి. దళారుల బాధ తప్పింది. నాలుగు డబ్బులు కండ్ల చూస్తున్నారు. – శంకర్రెడ్డి, రైతు, హుస్నాబాద్
Read Today's Latest Medak News in Telugu and Telugu News
RELATED ARTICLES
తాజా వార్తలు
Sensational Comments | రేవంత్ రెడ్డిపై సంచలన వ్యాఖ్యలు.. సోనియాగాంధీకి సీనియర్ నాయకుడు లేఖ
Protein Idly | ఇడ్లీలను ప్రోటీన్లు ఉండేలా ఆరోగ్యకరంగా ఇలా తయారు చేసుకోండి.. ఎంతో రుచిగా ఉంటాయి..
Promotions | టీజీఎస్ ఆర్టీసీ హైదరాబాద్ జోన్లో 63 మంది సిబ్బందికి పదోన్నతులు
‘ఏఐటీయూసీ జాతీయ మహాసభలను జయప్రదం చేయండి’
‘ప్రతి నిరుపేద కుటుంబానికి ఇందిరమ్మ ఇంటింటి జీవిత బీమా’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

