Visit:
గజ్వేల్‌, నవంబర్‌ 29: మొదటి విడత నిర్వహించే గ్రామ పంచాయతీలకు మూడు రోజులుగా నామినేషన్ల స్వీకరణ కొనసాగింది. మొ దటి రెండు రోజులు సర్పంచ్‌, వార్డుల సభ్యుల స్థానానికి అంతంతమాత్రంగానే నామినేషన్లు దాఖలయ్యాయి. శనివారం సాయంత్రం 5గంటలు దాటిన తర్వాత అభ్యర్థులు క్యూలో వేచి ఉండి నామినేషన్లు వేశారు. సిద్దిపేట జిల్లాలోని గజ్వేల్‌, జగదేవ్‌పూర్‌, వర్గల్‌, ములుగు, మర్కూక్‌, రాయపోల్‌, దౌల్తాబాద్‌ మండలాల్లోని 163 సర్పంచ్‌, 1432 వార్డు స్థానాలకు డిసెంబర్‌ 11న ఉదయం 7 నుంచి మధ్యాహ్న ఒంటిగంట వరకు ఎన్నికలు నిర్వహిస్తారు.
తర్వాత మధ్యాహ్నం 2 గంటల నుంచి ఫలితాలు లెక్కించి గెలుపొందిన అభ్యర్థులను ప్రకటిస్తారు. అదేరోజు ఉప సర్పంచ్‌ను వార్డు సభ్యులు ఎన్నికల అధికారుల సమక్షంలో ఎన్నుకుంటారు. నేడు నామినేషన్‌ పత్రాలను అధికారులు పరిశీలిస్తారు. డిసెంబర్‌ 3మధ్యాహ్నం 3గంటల వరకు అభ్యర్థుల నామినేషన్ల ఉపసంహరణకు అవకాశం ఉంది. అదేరోజు సాయంత్రం పోటీలో ఉండే సర్పం చ్‌, వార్డు సభ్యులకు గుర్తులను ఎన్నికల అధికారులు కేటాయిస్తారు. గుర్తుల కేటాయింపు తర్వాత గ్రామాల్లో డిసెంబర్‌ 4నుంచి 9వర కు అభ్యర్థుల ప్రచారం ఉపందుకోనుంది.
జిల్లావ్యాప్తంగా డబ్బు, మద్యం పట్టివేతకు నిఘా ఏర్పాటు చేశారు. ఒక వ్యక్తి రూ.50 వేల నగదు కంటే ఎక్కువ తీసుకెళ్లరాదని అధికారులు సూచించారు. సిద్దిపేట జిల్లాలోని వంటిమామిడి రాజీవ్‌ రహదారి నుంచి బెజ్జంకి వరకు 94కిలోమీటర్ల వరకు పోలీస్‌ అధికారులు చెక్‌పోస్టులు ఏర్పాటు చేసి తనిఖీలు ముమ్మరం చేశారు. జిల్లాలో ఐదు పాయింట్ల వద్ద చెక్‌పోస్టులు ఏర్పాటు చేశా రు. రాజీవ్‌ రహదారి వంటిమామిడి, తోటపల్లి బెజ్జంకి క్రాస్‌రోడ్‌, భూంపల్లి ఎక్స్‌రోడ్డు, చేర్యాల పరిధిలోని ముస్తాల వద్ద, హుస్నాబాద్‌ జిల్లా సరిహద్దులో చెక్‌పోస్టు ఏర్పాటు చేశారు. శుక్రవారం ములుగు మం డలం వంటిమామిడి చెక్‌పోస్టు వద్ద ఆర్టీసీ బస్సులో తనిఖీలు చేయగా, ప్రయాణికుడి వద్ద రూ.3 .20లక్షలు నగుదు లభించింది. ఎలాంటి ఆధారాలు చూపించక పోవడంతో డబ్బుల ను అధికారులు స్వాధీనం చేసుకున్నారు.
