చిరుత కలకలం

మహబూబ్‌నగర్‌ జిల్లా కేంద్రంలోని వీరన్నపేట శివారులో చిరుత సంచారంతో జనం భయాందోళనకు గురయ్యారు. గురువారం రాత్రి స్థానిక కేటీఆర్‌ నగర్‌ డబుల్‌ బెడ్రూం సమీపంలోని అటవీ ప్రాంతంలో చిరుత కుక్కపై దాడిచేసినట్లు అటవీశాఖ సెక్షన్‌ అధికారి నిరంజన్‌ తెలిపారు.

• మహబూబ్‌నగర్‌ వీరన్నపేటలో సంచారం
• కేటీఆర్‌ నగర్‌ డబుల్‌బెడ్రూం ఇండ్ల సమీపంలో కుక్కపై దాడి
• అడుగుజాడలను పరిశీలించిన అధికారులు
• జిల్లాలో 15 చిరుతలు ఉన్నట్లు వెల్లడి

మహబూబ్‌నగర్‌ మెట్టుగడ్డ, జూన్‌ 30 : మహబూబ్‌నగర్‌ జిల్లా కేంద్రంలోని వీరన్నపేట శివారులో చిరుత సంచారంతో జనం భయాందోళనకు గురయ్యారు. గురువారం రాత్రి స్థానిక కేటీఆర్‌ నగర్‌ డబుల్‌ బెడ్రూం సమీపంలోని అటవీ ప్రాంతంలో చిరుత కుక్కపై దాడిచేసినట్లు అటవీశాఖ సెక్షన్‌ అధికారి నిరంజన్‌ తెలిపారు.

అధికారులు చిరుత అడుగు జాడలను పరిశీలించారు. మహబూబ్‌నగర్‌ జిల్లా వ్యాప్తంగా 15 చిరుతలు ఉన్నాయని చెప్పారు. అటవీ ప్రాంతంలో ఒంటరిగా వెళ్లొద్దని ఆయన సూచించారు. ఎవరికైనా కనిపిస్తే సమాచారం అందించాలని సూచించారు.