రక్తదానం..ప్రాణదానం
రక్తదానం మరొకరి జీవితానికి వెలుగు.. రక్తదానం చేయండి-ప్రాణదాతలుకండి.. అంటూ ఎన్నో స్వచ్ఛంద సంస్థలు, వైద్యులు పలు అవగాహన కార్యక్రమాలు, ర్యాలీలు చేస్తుండడాన్ని మనం చూస్తూనే ఉంటాం.
- మనిషి దినచర్యలో రక్తప్రసరణ ఎంతో కీలకం
- క్షతగాత్రుల జీవితాల్లో వెలుగులు నింపుతున్న బ్లడ్ డోనర్స్
- నేడు ప్రపంచ రక్తదాతల దినోత్సవం
మహబూబ్నగర్ అర్బన్, జూన్ 13 : రక్తదానం మరొకరి జీవితానికి వెలుగు.. రక్తదానం చేయండి-ప్రాణదాతలుకండి.. అంటూ ఎన్నో స్వచ్ఛంద సంస్థలు, వైద్యులు పలు అవగాహన కార్యక్రమాలు, ర్యాలీలు చేస్తుండడాన్ని మనం చూస్తూనే ఉంటాం. మూడు నెలలకోసారి రక్తదానం చేయడం వల్ల సదరు వ్యక్తి ఆరోగ్యంగా ఉండడంతోపాటు ప్రమాదకర పరిస్థితుల్లో మరొకరికి ప్రాణదానం చేసినవారవుతారు. రక్తం గ్రూపులు వేరైనా.. రంగు మాత్రం ఒక్కటే.. రక్తదానం ప్రాముఖ్యతను ప్రజలకు వివరిస్తూ ప్రతి ఏడాది జూన్ 14న ప్రపంచ రక్తదాతల దినోత్సవాన్ని నిర్వహిస్తున్నారు. రక్తంలోని ఏ, బీ, ఓ గ్రూపులను కనుగొన్న కార్ల్ స్టెయినర్ జన్మదినం జూన్ 14ను పురస్కరించుకొని ఆ రోజున రక్తదాతల దినోత్సవంగా పాటిస్తున్నారు. రెడ్క్రాస్, రెడ్క్రీసెంట్ సొసైటీ, ఇంటర్నేషనల్ బ్లడ్ డోనర్ ఆర్గనైజేషన్లు ప్రపంచ ఆరోగ్య సంస్థలతో కలిసి రక్తదాతల దినోత్సవాన్ని నిర్వహిస్తున్నాయి. మనిషి దినచర్య సక్రమంగా జరగాలంటే రక్త ప్రసరణ ఎంతో అవసరం. సకాలంలో రక్తం అందక చనిపోతున్నవారు ఎందరో.. అత్యవసర చికిత్సలు, క్లిష్టమైన ప్రసవాల సమయంలో రక్తం ఎంతో అవసరమవుతుంది. దేశంలో ప్రతి రెండు సెకండ్లకు ఒకరికి రక్తం అవసరమవుతుంది. సరైన అవగాహన లేనందున రక్తదానం చేసేవారి సంఖ్య పూర్తిగా తగ్గిపోయింది. రక్తదాతలు ముందుకొస్తే ఎన్నో ప్రాణాలను కాపడవచ్చు. ఇటీవల ఆన్లైన్లో దాతల వివరాలు అందుబాటులో ఉంచుతూ కొన్ని స్వచ్ఛంద సంస్థలు ముందుకొచ్చినప్పటికీ.. వీటి గురించి తెలియకపోవడంతో ఎంతోమంది ప్రాణాలు కోల్పోతున్నారు.
రక్తదానం హానికరం కాదు..
రక్తదానంతో జీవితంలో ఇబ్బందులొస్తాయని చాలామంది భయపడతారు. వాస్తవానికి రక్తం ఇవ్వడం వల్ల సదరు వ్యక్తికి ఎలాంటి అనారోగ్య సమస్యలు తలెత్తవు. వైద్యులు పరీక్షలు చేసి పూర్తి ఆరోగ్యవంతులని, సరిపోయినంత రక్తం ఉందని నిర్ధారించుకున్న తరువాతే మన నుంచి రక్తం తీసుకుంటారు, రక్తదానం చేసిన తరువాత ఆరు నుంచి పన్నెండు వారాలలోపు వ్యక్తికి పూర్తిస్థాయిలో కొత్త రక్తం తయారవుతుంది. ఎలాంటి రక్తహీనత సమస్యలు తలెత్తవు.
రక్తదానంతో కలిగే ప్రయోజనాలు..
- రక్తదానం తరువాత పునరుత్పత్తి ప్రారంభం కావడానికి నాలుగు రోజుల సమయం పడుతుంది.
- గుండె సంబంధిత వ్యాధులు ఉంటే తగ్గుతాయి.
- పెద్ద పేగు, గొంతు క్యాన్సర్లు, ఊపిరితిత్తుల సమస్యలు వచ్చే అవకాశం తగ్గుతుంది.
166సార్లు రక్తదానం చేశా
రక్తదానం చేసి ప్రజలను కాపాడాలని పెద్ద ఎత్తున ప్రచారం నిర్వహిస్తున్నాం. రక్తం ఇచ్చి మరొకకరి జీవితాన్ని కాపాడాలనే ఉద్దేశంతో 166సార్లు రక్తదానం చేశాను. మూడు నెలలకోసారి రక్తదానం చేసి ఎన్నో అవార్డులు అందుకున్నాను. 2023 సంవత్సరంలో లండన్ వండర్ బుక్ రికార్డ్స్ ఆధ్వర్యంలో ‘లైఫ్ సేవర్’ అవార్డు అందుకున్నాను.
– లయన్ నటరాజ్, పాలమూరు జిల్లా రెడ్క్రాస్ సొసైటీ చైర్మన్
Read Today's Latest Mahabubnagar News in Telugu and Telugu News
RELATED ARTICLES
తాజా వార్తలు
Robert Pattinson | రాబర్ట్ స్టార్ హీరో కనుకే తొలుత వ్యతిరేకించాం.. జేమ్స్ బాండ్ ఎంపికపై జెఫ్ బెజోస్ ఆసక్తికర వ్యాఖ్యలు!
Jobs | నైవేలి లిగ్నైట్ కార్పొరేషన్ ఇండియా లిమిటెడ్లో 145 ఎగ్జిక్యూటివ్ ఇంజినీర్ పోస్టులు
SIddipeta | సిద్దిపేటలో బీఆర్ఎస్ ఫ్లెక్సీలు చింపేసి కాంగ్రెస్ ఫ్లెక్సీలను వదిలేస్తున్న సిబ్బంది.. వీడియో
Sonia Gandhi: పౌరసత్వం రాకముందే సోనియాకు ఓటు.. రిపోర్టు కోరిన ఢిల్లీ కోర్టు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
ట్రెండింగ్ వార్తలు
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి

