సంక్షేమ ప్రయోజనాల కోసమే సమ్మె

న్యాయమైన హక్కుల సాధన, ప్రయోజనాల కోసం శాంతియతంగా సమ్మెను నిర్వహిస్తున్నట్లు ఎస్‌ఎల్‌బీహెచ్‌ఈఎస్‌ ఆర్టిజన్స్‌ సంఘం సభ్యులు తెలిపారు. మండలంలోని ఈగలపెంట శ్రీశైలం ఎడమగట్టు భూగర్భజలవిద్యుత్‌ కేంద్రం టీజీ జెన్‌కో ఆవరణలో ఎస్‌ఎల్‌బీహెచ్‌ఈఎస్‌ ఆర్టిజన్స్‌ సంఘం కార్మికులు బుధవారం సమ్మెను నిర్వహించారు.

• ఎస్‌ఎల్‌బీహెచ్‌ఈఎస్‌ ఆర్టిజన్‌ కార్మికులు

అమ్రాబాద్‌, ఏప్రిల్‌ 8 : న్యాయమైన హక్కుల సాధన, ప్రయోజనాల కోసం శాంతియతంగా సమ్మెను నిర్వహిస్తున్నట్లు ఎస్‌ఎల్‌బీహెచ్‌ఈఎస్‌ ఆర్టిజన్స్‌ సంఘం సభ్యులు తెలిపారు. మండలంలోని ఈగలపెంట శ్రీశైలం ఎడమగట్టు భూగర్భజలవిద్యుత్‌ కేంద్రం టీజీ జెన్‌కో ఆవరణలో ఎస్‌ఎల్‌బీహెచ్‌ఈఎస్‌ ఆర్టిజన్స్‌ సంఘం కార్మికులు బుధవారం సమ్మెను నిర్వహించారు. ఈ సందర్భంగా సంఘం సభ్యులు మాట్లాడుతూ తమ న్యాయమైన హక్కుల సాధన, ఉద్యోగభద్రత, సముచితవేతనాలు, సంక్షే మ ప్రయోజనాల అమలు కోసం సంఘం సభ్యులు, కార్మికులం ఐక్యంగా ఉంటూ శాంతియుతంగా ప్రజాస్వామ్య పద్ధతిలో సమ్మె నిర్వహిస్తున్నామని తెలిపారు. ఆర్టిజన్స్‌ సమస్యలను యాజమాన్యం, సంబంధిత అధికారులు దృష్టికి తీసుకెళ్లే లక్ష్యంతో ఈ సమ్మె కొనసాగుతుందని, సంస్థ అభివృద్ధికి కృషిచేస్తున్న తమకు తగిన గౌరవం, సౌకర్యాలు కల్పించాలని ప్రభుత్వాన్ని డిమాండ్‌ చేస్తున్నట్లు వారు తెలిపారు. కార్యక్రమంలో టీజీజెన్‌కో ఆర్టిజన్స్‌ సంఘం సభ్యులు, కార్మికులు తదితరులు పాల్గొన్నారు.

ఆర్టిజన్ల నిరవధిక సమ్మె
మహబూబ్‌నగర్‌ కలెక్టరేట్‌, ఏప్రిల్‌ 8 : విద్యుత్‌, ఆర్టిజన్‌, అన్‌మ్యాన్డ్‌, పీస్‌రేటు కార్మికుల సమస్యల పరిష్కారం, హక్కుల సాధనకు తెలంగాణ విద్యుత్‌ ఆర్టిజన్‌ ఎంప్లాయీస్‌ జాయింట్‌ యాక్షన్‌ కమిటీ పిలుపు మేరకు బుధవారం మహబూబ్‌నగర్‌ విద్యు త్‌ భవన్‌ ఎదుట నిరవధిక సమ్మె చేపట్టారు. ఈ సం దర్భంగా ఆర్టిజన్లు మాట్లాడుతూ ఆర్టిజన్‌ కార్మికులకు ఏపీఎస్‌ఈబీ సర్వీస్‌ రూల్స్‌ అమలు చేయాలని డిమాండ్‌ చేశారు. పీఎస్‌ రేట్‌ కార్మికులకు జీవో నెం. 11 ప్రకారం వే తనాలు కల్పించాలన్నారు. ఈ సమ్మెకు 1104, 327, ఎస్టీ యూనియన్‌ నాయకులు మద్దతు తెలిపారు. ఆర్టిజన్ల న్యాయమైన డి మాండ్లను ప్రభుత్వం, యాజమాన్యం వెంటనే పరిష్కరించాలని డిమాండ్‌ చేశారు. ఈ సమ్మెలో నాయకులు ఎంఏ.జకీ, పెంటయ్య, రాములు, మ్యాకల గౌరయ్య, కట్ట శ్రీనివాస్‌, నసీరొద్దీన్‌ పాల్గొన్నారు.