ఉన్మాదులు బాలికలకు రక్షణ కరువు

జోగుళాంబ గద్వాల జిల్లాలో మైనర్‌ బాలికలపై వేధింపులు పెరిగాయి. సినిమాలు, సోషల్‌ మీడియా ప్రభావంతో దానిని అనుసరిస్తూ యువకులు తప్పుదోవ పడుతున్నారు. దీంతో గద్వాల నియోజకవర్గంలో అమ్మాయిలు, బాలికలు బయట తిరగాలన్నా.. ఇంటిలో ఒంటరిగా ఉండాల న్నా భయపడుతున్న పరిస్థితి దాపురించింది.

• మనుషులా.. రాక్షసులా?
• గద్వాల జిల్లాలో మైనర్లపై వేధింపులు
• రెండు నెలల్లోనే ఐదు సంఘటనలు
• బయటకు వెళ్లాలంటేనే జంకుతున్న అమ్మాయిలు
• రాజకీయ నేతల అండదండలతో తప్పించుకుంటున్న వైనం
• పట్టించుకోని పాలకులు
• పోలీసుల తీరుపై ప్రజలు గుస్సా

జోగుళాంబ గద్వాల జిల్లాలో మైనర్‌ బాలికలపై వేధింపులు పెరిగాయి. సినిమాలు, సోషల్‌ మీడియా ప్రభావంతో దానిని అనుసరిస్తూ యువకులు తప్పుదోవ పడుతున్నారు. దీంతో గద్వాల నియోజకవర్గంలో అమ్మాయిలు, బాలికలు బయట తిరగాలన్నా.. ఇంటిలో ఒంటరిగా ఉండాల న్నా భయపడుతున్న పరిస్థితి దాపురించింది. ఉన్మాదుల చర్యలతో తల్లిదండ్రులు కడుపు కోత అనుభవిస్తుండగా.. వేధిస్తున్న వారు రాజకీయ నాయకుల అండదండలతో రోడ్లపై దర్జా గా తిరుగుతున్నారు. గతంలో జిల్లా కేంద్రంలోని సరస్వతీ పాఠశాలలో చదువుతున్న హైస్కూల్‌ విద్యార్థిని లక్ష్మీ, కొట్టం ఇంజినీరింగ్‌ కళాశాల విద్యార్థి ఆసియాబేగంపై జరిగిన లైంగిక దాడి, హత్యతోపాటు గద్వాలను న్యూడ్‌ కాల్స్‌తో గలీజు పట్టించి వివాహిత మహిళలను బజారుకు ఈడ్చీ సభ్య సమాజం తలదించుకునేలా చేశాయి. ఇంత జరుగుతున్నా ఇక్కడి పాలకులకు ఇవేవీ పట్టవు. నేరస్తులను శిక్షించాల్సిన వ్య వస్థలు రాజకీయ నేతల జోక్యంతో మౌనం వహిస్తున్నారన్న ఆరోపణలున్నాయి. దీంతో రెండు నెలల్లో ఐదు ఘటనలు చోటు చేసుకున్నాయి.

– గద్వాల, నవంబర్‌ 7

పరామర్శలు తప్పా బాధిత కుటుంబాలకు న్యాయమేదీ?

సంఘటన జరిగిన ప్రతిసారి అధికార పార్టీ నాయకులు తప్పా అందరూ బాధిత కుటుంబాలను పరామర్శిస్తున్నారే తప్పా.. ఆ కుటుంబాలకు న్యాయం జరగడానికి ఎవరూ ప్రయత్నించడం లేదు. దీంతో బాధిత కుటుంబాలు తమ బాధలను ఎవరికి చెప్పుకోవాలో అర్థం కాని పరిస్థితి నెలకొన్నది. బిడ్డలను కోల్పోయి, వేధింపులతో ఆ కుటుంబాలు మనోవేదనకు గురవుతుంటే పరామర్శలు మరింత కుంగదీస్తున్నాయి. ఏదో జరిగింది అని ఊరు దాటని గుట్టును ప్రజా సంఘాలు, పార్టీల నేతలు గుట్టు రట్టు చేస్తున్నారు. గుట్టు రట్టు చేసినా బాధితులకు న్యాయం జరిగిందా అంటే అదీ లేదు. అందుకు ఉదాహరణలు మైనర్‌ బాలిక రాజేశ్వరి ఆత్మహత్య చేసుకున్న ఘటనలో నిందితుడిని అరెస్ట్‌ చేయడంలో పోలీసులు విఫలమవుతున్నారే ఆరోపణలు మూటగట్టుకుంటున్నారు. దీంతోపాటు బుధవారం బిడ్డకు లైంగిక వేధింపులు తాళలేక పరశురాముడు ఆత్మహత్యకు కారకుడైనా యువకుడిని అరెస్ట్‌ చేయడంలో విఫలమయ్యారు. ఈ ఇద్దరు అధికార కాంగ్రెస్‌ పార్టీకి చెందిన వారు కావడం వల్లే పట్టించుకోవడం లేదనే ఆరోపణలు ఉన్నాయి. ఏది ఏమైనా జిల్లాలో మహిళలు, బాలికలు రక్షణ లేకుండాపోయింది. అమ్మాయిలను వేధిస్తున్న వారిపై పోలీసులు శిక్ష పడేలా కేసులు నమోదు చేస్తే ఇలాంటి ఘటనలు జరిగే అవకాశాలు తక్కువగా ఉంటాయని బాధిత కుటుంబాలతోపాటు ప్రజలు చర్చించుకుంటున్నారు.

• గద్వాల మండలంలోని శెట్టి ఆత్మకూర్‌ గ్రా మానికి చెందిన మైనర్‌ బాలికలు గద్వాలలో విద్యను అభ్యసిస్తున్నారు. గత నెలలో ఐదుగురు వ్యక్తులు మై నర్లను పాఠశాల వద్ద దింపుతామని తీసుకెళ్లి వారిని మానసికంగా వేధించారు. ఈ విషయం బాధిత కుటుంబాలు పోలీసులకు తెలియజేయండతో పోలీసులు వారిని అరెస్ట్‌ చేసి జైలుకు పంపారు.
• కేటీదొడ్డి మండలంలోని ఓ గ్రామంలో పొ లం పనులకు వెళ్తున్న మైనర్‌పై ముగ్గురు యువకులు లైంగికదాడికి పాల్పడగా.. వేధింపులు తాళలేక బా లిక ఆత్మహత్య చేసుకున్నది. దీంతో ఆ కుటుంబం బి డ్డను కోల్పోయి మనోవేదనకు గురైనా ఇటు ప్రజాప్రతినిధులు కానీ, అటు ప్రభుత్వం కానీ ఆ కుటుంబానికి చేయూతనివ్వలేదు.
• గద్వాల పట్టణంలోని అగ్రహారంలో మైన ర్‌ బాలికను ఓ యువకుడు వేధింపులకు గురి చేయ గా ఆ కుటుంబం ఇంటి నుంచి బయటకు రావడాని కి ఇబ్బందులు పడుతున్నది.
• ధరూర్‌ మండలం బూరెడ్డిపల్లి గ్రామంలో ఇంట్లో ఒంటరిగా ఉన్న బాలికపై ఓ నాయకుడికి చెందిన అనుచరుడు లైంగికదాడికి పాల్పడగా కేకలు వేస్తూ బయటకు పరుగెత్తడంతో పెద్ద లు రాజీ చేయడానికి ప్రయత్నించారు. ఈ విషయం సోషల్‌ మీడియాలో రావడంతో విధిలేని పరిస్థితిలో పోలీసులు కేసు నమోదు చేయాల్సి వచ్చింది.
• గద్వాల పట్టణానికి చెందిన సీడ్‌ ఆర్గనైజర్‌ ఇంట్లో పని చేస్తున్న మైనర్‌ బాలికపై దొంగతనం కేసు మోపడం, బాలికను పోలీసులు విచారణ పేరు తో స్టేషన్‌కు పిలిపించడంతో అవమానం భరించలేక బాలిక ఆత్మహత్య చేసుకున్నది. ఇది జరిగి 10 రోజులు దాటినా ఇప్పటివరకు సదరు వ్యాపారిని పోలీసులు అరెస్ట్‌ చేయలేదు. అరెస్ట్‌పై ప్రజాసంఘాలు, ఇతర పార్టీల నాయకులు ఆందోళనలు చేసినా ఫలితం లేదు.
• ఈ సంఘటనలు మరువ ముందే బుధవా రం ఓ ప్రేమోన్మాది తన కూతురిని వేధిస్తుండడం చూసి వేధించవద్దని హెచ్చరించిన ఆ యువకుడి తీరు మారకపోవడంతో తండ్రి రైలు పట్టాలపై పడి ఆత్మహత్య చేసుకున్నాడు. బాధిత బాలికకు వేరే యువకుడితో నిశ్చితార్థం కాగా నిశ్చితార్థం చేసుకున్న యువకుడికి ఫోన్‌చేసి నీవు పెళ్లి చేసుకున్నా వ దలనని భయబ్రాంతులకు గురి చేశారు. ఈ విష యం తెలుసుకున్న వ్యవసాయమార్కెట్‌ చెందిన నా యకుడు పంచాయితీ చేసినా బాలికకు వేధింపులు తప్పలేదు. ఇది అవమానంగా భావించిన తండ్రి ఆ త్మహత్య చేసుకోగా ఆ కుటుంబం ఇంటి పెద్ద ది క్కును కోల్పోయి ఇబ్బందుల పాలవుతున్నారు.