Gajulapeta Villagers | ప‌ట్టించుకోని ఎమ్మెల్యే మధుసూధన్ రెడ్డి.. బీటీ రోడ్డు రెన్యువల్ కోసం గాజులపేట గ్రామస్తుల పాదయాత్ర
Gajulapeta Villagers | గత బీఆర్ఎస్ ప్రభుత్వ హయాంలోనే దేవరకద్ర మాజీ ఎమ్మెల్యే ఆల వెంకటేశ్వర్ రెడ్డి బీటీ రోడ్డు రెన్యువల్ కోసం ప్రతిపాదనలు సిద్ధం చేసి పంపారని.. కాంగ్రెస్ ప్రభుత్వం మంజూరు చేయకుండా మూడేళ్లుగా నిర్లక్ష్యం చేస్తుందని గాజులపేట గ్రామస్తులు మండిపడ్డారు.
Gajulapeta Villagers | మహబూబ్ నగర్ జిల్లా, న‌వంబ‌ర్ 8 : మహబూబ్ నగర్ రూరల్ మండలం గాజులపేట గ్రామం నుండి NH 44 వరకు బీటీ రోడ్డు రెన్యువల్, మరమ్మత్తులు చేయాలని డిమాండ్ చేస్తూ బీఆర్ఎస్ పార్టీ ఆధ్వర్యంలో గ్రామస్తులు పాదయాత్ర చేపట్టారు.
గ్రామం నుండి హైద్రాబాద్ బెంగళూరు జాతీయ రహదారి వరకు చేపట్టిన ఈ పాదయాత్రలో గ్రామస్తులు పెద్దఎత్తున పాల్గొన్నారు. గత బీఆర్ఎస్ ప్రభుత్వ హయాంలోనే దేవరకద్ర మాజీ ఎమ్మెల్యే ఆల వెంకటేశ్వర్ రెడ్డి ప్రతిపాదనలు సిద్ధం చేసి పంపారని.. కాంగ్రెస్ ప్రభుత్వం మంజూరు చేయకుండా మూడేళ్లుగా నిర్లక్ష్యం చేస్తుందని మండిపడ్డారు.
గాజులపేట గ్రామస్తులు ఓట్లు వేయలేదనే కక్ష్యతో రోడ్డు పనులను స్థానిక ఎమ్మెల్యే మధుసూధన్ రెడ్డి పట్టించుకోవట్లేదని ఆరోపించారు. గుంతల రోడ్డులో వెళ్లాలంటేనే భయంగా ఉందంటున్నారు గాజులపేట వాసులు. ప్రమాదల బారిన పడి గాయపడుతున్నామని, గర్భిణీ స్త్రీలు జానంపేట ప్రాథమిక ఆరోగ్య కేంద్రానికి వెళ్ళాలంటే ఇబ్బంది పడుతున్నామని ఆవేదన వ్యక్తం చేస్తున్నారు. ఎమ్మెల్యే మధుసూధన్ రెడ్డి వెంటనే స్పందించి రోడ్డు నిర్మాణ పనులు చేపట్టేలా చర్యలు తీసుకోవాలని గ్రామస్తులు డిమాండ్ చేశారు.
Read Also :
Firecrackers History | దీపావళికి బాణసంచా ఎలా వచ్చింది? చైనా నుంచి భారత్‌కు టపాసుల ప్రయాణం ఇదే!
Read Today's Latest Mahabubnagar News in Telugu and Telugu News
- Follow Us :
-
