Rajeev Kanakala | ఎన్టీఆర్ అప్పుడే స్టార్ అవుతాడని చెప్పా, 25 ఏళ్లు గడిచినా మారలేదు.. రాజీవ్ కనకాల ఆసక్తికర వ్యాఖ్యలు!

Rajeev Kanakala | తెలుగు చిత్ర పరిశ్రమలో తమకంటూ ప్రత్యేకమైన గుర్తింపు సంపాదించుకున్న ఇద్దరు ప్రముఖులు జూనియర్ ఎన్టీఆర్, దర్శకధీరుడు ఎస్.ఎస్. రాజమౌళి. వీరిద్దరి కెరీర్‌లో ఎన్నో మైలురాళ్లు ఉన్నాయి. ముఖ్యంగా వీరి కాంబినేషన్‌లో వచ్చిన తొలి చిత్రం స్టూడెంట్ నెం.1 ఇద్దరి సినీ ప్రయాణంలోనూ ఎంతో ప్రత్యేకమైనది.

Rajeev Kanakala | తెలుగు చిత్ర పరిశ్రమలో తమకంటూ ప్రత్యేకమైన గుర్తింపు సంపాదించుకున్న ఇద్దరు ప్రముఖులు జూనియర్ ఎన్టీఆర్, దర్శకధీరుడు ఎస్.ఎస్. రాజమౌళి. వీరిద్దరి కెరీర్‌లో ఎన్నో మైలురాళ్లు ఉన్నాయి. ముఖ్యంగా వీరి కాంబినేషన్‌లో వచ్చిన తొలి చిత్రం స్టూడెంట్ నెం.1 ఇద్దరి సినీ ప్రయాణంలోనూ ఎంతో ప్రత్యేకమైనది. ఈ సినిమా విడుదలకు ముందు ఎన్టీఆర్ పడిన మానసిక సంఘర్షణ, ఆ సమయంలో ఆయనతో జరిగిన సంభాషణ గురించి నటుడు రాజీవ్ కనకాల తాజాగా ఓ ఇంటర్వ్యూలో ఆసక్తికర విషయాలు వెల్లడించారు. అలాగే రాజమౌళి వ్యక్తిత్వం, ఆయన ఎదుగుదల వెనుక ఉన్న కష్టాన్ని కూడా వివరించారు. !

జూనియర్ ఎన్టీఆర్ హీరోగా పరిచయమైన తర్వాత ఆయన కెరీర్‌కు మంచి గుర్తింపు తీసుకొచ్చిన చిత్రాల్లో స్టూడెంట్ నెం.1 ఒకటి. ఈ సినిమా విడుదలకు ముందు ఎన్టీఆర్ మాత్రం ఫలితం గురించి ఎంతో ఆందోళన చెందేవారని రాజీవ్ కనకాల గుర్తు చేసుకున్నారు. ఆ సమయంలో ఎన్టీఆర్ తనతో మాట్లాడుతూ.. “రాజా, స్టూడెంట్ నెం.1 సినిమా హిట్ అవుతుందంటావా? నేను స్టార్ అవుతానంటావా?” అని ఎంతో భావోద్వేగంగా అడిగారని తెలిపారు. అప్పుడు తాను ఎన్టీఆర్‌కు ధైర్యం చెబుతూ.. “నువ్వు చాలా పెద్ద స్టార్ అవుతావు. 17 ఏళ్ల తర్వాత నువ్వు మమ్మల్ని కూడా మర్చిపోయేంత పెద్ద స్టార్ అవుతావు” అని చెప్పినట్లు వెల్లడించారు. అయితే అప్పట్లో తాను చెప్పిన మాటలు నిజమయ్యాయని రాజీవ్ కనకాల అన్నారు. జూనియర్ ఎన్టీఆర్ నేడు గ్లోబల్ స్టార్‌గా ఎదిగారని, అయినప్పటికీ తన ప్రారంభ దశలో పరిచయమైన వారిని, తనకు అండగా నిలిచిన వారిని ఎప్పుడూ మర్చిపోలేదని ప్రశంసించారు. దాదాపు పాతికేళ్లు గడిచినా ఎన్టీఆర్‌లో పెద్దగా మార్పు రాలేదని, అప్పుడెలా ఉన్నారో ఇప్పటికీ అలాగే ఉంటారని పేర్కొన్నారు.

ఎంతటి ఉన్నత స్థాయికి చేరుకున్నా తన పాత పరిచయాలను, అనుబంధాలను గౌరవించడం ఎన్టీఆర్‌లోని గొప్ప లక్షణమని రాజీవ్ కనకాల అభిప్రాయపడ్డారు. ఇక దర్శకధీరుడు ఎస్.ఎస్. రాజమౌళి గురించి మాట్లాడుతూ.. ఆయన ప్రయాణం శాంతినివాసం సీరియల్ రోజుల నుంచి ప్రారంభమైందని రాజీవ్ కనకాల గుర్తు చేసుకున్నారు. అప్పటి నుంచి క్రమంగా ఎదుగుతూ నేడు అంతర్జాతీయ స్థాయిలో గుర్తింపు పొందిన దర్శకుడిగా రాజమౌళి నిలిచారని అన్నారు. రాజమౌళిని తాము ఎంతో ఆప్యాయంగా ‘జక్కన్న’ అని పిలుచుకుంటామని తెలిపారు. ఆయన సాధించిన విజయాలు కేవలం తెలుగు చిత్ర పరిశ్రమకే పరిమితం కాలేదని, భారతీయ సినిమాకు ప్రపంచవ్యాప్తంగా గుర్తింపు తీసుకొచ్చాయని పేర్కొన్నారు. ఫ్రాన్స్‌లోని ప్రతిష్టాత్మక సంస్థలో రాజమౌళి పేరుతో బ్రాస్ నేమ్‌ప్లేట్ ఏర్పాటు కావడం ఎంతో గొప్ప విషయమని, ఇది తెలుగు ప్రజలందరికీ గర్వకారణమని వ్యాఖ్యానించారు. రాజమౌళి ఇంతటి గొప్ప విజయాలు సాధించడం వెనుక సినిమాపై ఆయనకున్న అపారమైన ప్రేమ, అంకితభావం ఉన్నాయని రాజీవ్ కనకాల తెలిపారు. సినిమా పట్ల అంతటి పిచ్చి, ప్రేమ ఉన్నవారే ఇలాంటి అసాధారణ విజయాలను అందుకోగలరని అన్నారు.