Ala venkateshwar reddy | పెద్దవాగు వెంట రైతులతో ఆల వెంకటేశ్వర్ రెడ్డి పాదయాత్ర.. వివరాలివే

Ala venkateshwar reddy | దేవరకద్ర మాజీ ఎమ్మెల్యే ఆల వెంకటేశ్వర్ రెడ్డి పాదయాత్ర ద్వారా రైతులు ఎదుర్కొంటున్న సాగునీటి సమస్యలను తెలుసుకోనున్నారు. పెద్దవాగుకు వెంటనే నీటిని విడుదల చేయాలని డిమాండ్ చేయనున్నారు.

Ala Venkatreddy| కృష్ణా నీళ్లతో కేసీఆర్ జీవం పోసిన పెద్దవాగుకు కప్పెట,పోల్కంపల్లి నుండి సరళాసాగర్ వరకు సాగునీటిని వెంటనే విడుదల చేయాలని డిమాండ్ చేస్తూ రైతుల పక్షాన పోరాటానికి సిద్ధమైన బీఆర్ఎస్ సిద్దమైంది. దేవరకద్ర మాజీ ఎమ్మెల్యే ఆల వెంకటేశ్వర్ రెడ్డి అక్టోబర్ 23న శుక్రవారం ఉదయం 8:30 గంటలకు నిజాలపూర్ దగ్గర ప్రారంభమై పెద్దవాగు వెంట రైతులతో కలిసి పాదయాత్ర చేయనున్నారు. దేవరకద్ర గులాబీ సైన్యం

చెక్ డ్యామ్ ల వెంట రైతులతో కలిసి కదం తొక్కనుంది. పోల్కంపల్లి, తిమ్మాపుర్, నిజలాపూర్, సంకల్ మద్ది, మూసాపేట, కందూర్,కొమిరెడ్డి పల్లి,గౌరీదేవిపల్లి, పొన్నకల్,రాచాల, గుడిబండ, వర్నే, ముత్యాలంపల్లి, జంగమాయ పల్లి, సరళా సాగర్ వరకు ఉన్న చెక్ డ్యామ్ లు, సరళా సాగర్ ప్రాజెక్టును నింపి రైతులకు సాగునీరు ఇవ్వాలని డిమాండ్ చేస్తూ పాదయాత్ర సాగనుంది.

ఆల వెంకటేశ్వర్ రెడ్డి ఈ పాదయాత్ర ద్వారా రైతులు ఎదుర్కొంటున్న సాగునీటి సమస్యలను తెలుసుకోనున్నారు. పెద్దవాగుకు వెంటనే నీటిని విడుదల చేయాలని డిమాండ్ చేయనున్నారు. రైతుల సాగునీటి అవసరాలను పరిష్కరించి, పంటలకు నీరందేలా చర్యలు తీసుకోవాలనే లక్ష్యంతో ఈ పాదయాత్రకు శ్రీకారం చుట్టారు.  పెద్దవాగుకు సాగునీరు విడుదలయ్యే వరకు రైతుల గొంతుకగా నిలిచి, వారి హక్కుల సాధన కోసం పోరాడటమే లక్ష్యంగా బీఆర్ఎస్ పార్టీ ముందుకు సాగుతోంది.

ఈ కార్యక్రమానికి సంబంధించి అన్నాసాగర్ గ్రామంలో మూసాపేట, అడ్డాకల్ మండలాలకు చెందిన బీఆర్ఎస్ పార్టీ ముఖ్య నాయకులతో దేవరకద్ర మాజీ ఎమ్మెల్యే ఆల వెంకటేశ్వర్ రెడ్డి సమావేశమై పాదయాత్ర కార్యాచరణ రూపొందించారు.

Read Also :

Ranabaali | ‘జైలర్ 2’ను దాటేసిన ‘రణబాలి’.. నైజాంలో విజయ్ దేవరకొండ సినిమా జోరు!

Mouli | న్యూస్ ఛానెల్ వాళ్లు బ్లాక్‌మెయిల్ చేశారు.. అనారోగ్యంతో ఉన్నా వెళ్లక తప్పలేదు: మౌళి

RS Praveen Kumar | మేడిగ‌డ్డ‌పై ఫిర్యాదు చేసి మూడేండ్లు గడిచినా ప‌ట్టించుకోవ‌డం లేదు : ఆర్ఎస్ ప్ర‌వీణ్ కుమార్