ఆయుష్ మాన్ భవ!
అసంక్రమిత వ్యాధుల కారణంగా శారీరక రుగ్మతల బారిన పడకుండా ఎలాంటి జాగ్రత్తలు తీసుకోవాలనే విషయాలపై అవగాహన కల్పించేందుకు ఆయుష్ శాఖ ప్రత్యేక దృష్టి సారించింది. ఈ మేరకు వనపర్తి జిల్లాలో ఆయుష్ శాఖ ఆధ్వర్యంలో వెల్నెస్ కేంద్రాలను ప్రారంభించి వైద్యులు ప్రజలకు రోగాలపై అవగాహన కల్పిస్తున్నారు. వ్యాధులు రాకుండా తీసుకోవాల్సిన ఆహారం, యోగా, ఇతర పద్ధతులపై వైద్యులు సూ చనలిస్తున్నారు
వనపర్తి జిల్లాలో తొమ్మిది ఆయుష్ వెల్నెస్ కేంద్రాలు
రూ.54 లక్షలతో సెంటర్ల నిర్మాణాలు
ప్రజలకు ఆరోగ్యంపై అవగాహన, యోగా సాధన
వ్యాధులు ఎలా నయం చేసుకోవాలనే విధానంపై శిక్షణ
వనపర్తి రూరల్, జూన్ 24 : అసంక్రమిత వ్యాధుల కారణంగా శారీరక రుగ్మతల బారిన పడకుండా ఎలాంటి జాగ్రత్తలు తీసుకోవాలనే విషయాలపై అవగాహన కల్పించేందుకు ఆయుష్ శాఖ ప్రత్యేక దృష్టి సారించింది. ఈ మేరకు వనపర్తి జిల్లాలో ఆయుష్ శాఖ ఆధ్వర్యంలో వెల్నెస్ కేంద్రాలను ప్రారంభించి వైద్యులు ప్రజలకు రోగాలపై అవగాహన కల్పిస్తున్నారు. వ్యాధులు రాకుండా తీసుకోవాల్సిన ఆహారం, యోగా, ఇతర పద్ధతులపై వైద్యులు సూచనలిస్తున్నారు. విద్యాసంస్థలు, కాలనీలు, ప్రభుత్వ కా ర్యాలయాల్లో అవగాహన కార్యక్రమాలను నిర్వహించేందుకు ప్రణాళికలు రూపొందించారు. అందులో భాగంగా హెల్త్ వెల్నెస్ కేంద్రాల్లో యోగా షెడ్ల నిర్మాణాలకు శ్రీ కారం చుట్టారు. చిన్నచిన్న అనారోగ్య సమస్యలతో దవాఖానలకు రాకుండా వంటింటినే వైద్యశాలగా మార్చుకోవచ్చని, దినుసులతో తయారుచేసిన మిశ్రమాలతో, పెరట్లో లభించే ఔషధ మొక్కలతో వ్యాధులు నయం చేసుకోవచ్చనే విషయాలపై వైద్యులు అవగాహన కల్పిస్తున్నారు.
యోగా షెడ్లలో సౌకర్యాల కల్పన..
వనపర్తి జిల్లాలో ఎంపిక చేసిన 9 హెల్త్ వెల్నెస్ కేంద్రాల్లో టీఎస్ ఎంఐడీఎస్ ద్వారా షెడ్లను నిర్మించాలని కలెక్టర్ షేక్ యాస్మిన్బాషా ఆదేశాలు జారీ చేశారు. ఆయా వైద్యశాలలకు మంజూరైన నిధుల నుంచి యోగా షెడ్ల నిర్మాణ పనులు ప్రారంభించారు. వాటిలో పెబ్బేరు, పెద్దమందడి, వనపర్తి మండలం పెద్దగూడెం, రేవల్లి మండలం నాగపూర్లో వెల్నెస్ సెంటర్ నిర్మాణాలు పూర్తయ్యాయి. ఆత్మకూరు, అజ్జకొల్లు, ఖిల్లాఘణపురం, కల్వరాల, గోపాల్పేటలో పనులు జరుగుతున్నాయి. ఒక్కో కేంద్రానికి దాదాపుగా రూ.6 లక్షలు వెచ్చించారు.
- యోగా కేంద్రాల్లో కన్సల్టింగ్ రూం, సీలింగ్ ఏర్పాటు చేస్తున్నారు.
- మరుగుదొడ్లను నిర్మించనున్నారు.
- యోగా షెడ్డు చుట్టూ కలబంధ, అడ్డసరం, తులసి, పారిజాతం, శంఖుపుష్పం, మారేడు, రావి వంటి 15 రకాల ఔషధ మొక్కలను పెంచనున్నారు.
- రక్షణ కోసం బయో ఫెన్షింగ్, జంతువులు లోపలికి రాకుండా క్యాటిల్ ట్రాక్ ఏర్పాటు చేయనున్నారు.
- వైద్యులు, దవాఖాన నిర్వహణ వేళ వివరాల బోర్డును ప్రదర్శిస్తారు. యోగా చేసేందుకు వీలుగా షెడ్డును రూపొందిస్తారు.
- ఆరోగ్యంపై అవగాహన కల్పించడంతోపాటు నిత్యం ఉదయం, సాయంత్రం యోగా శిక్షణ ఇవ్వనున్నారు. మహిళలు, పురుషులను యోగా శిక్షకులుగా నియమించనున్నారు.
Read Today's Latest Mahabubnagar News in Telugu and Telugu News
RELATED ARTICLES
తాజా వార్తలు
Ajay Devgn | ఓటీటీలోకి అజయ్ దేవగన్ ‘దృశ్యం: ది కన్క్లూజన్’.. స్ట్రీమింగ్ తేదీ అధికారిక ప్రకటన!
మంచిర్యాలను కమ్మేసిన పొగమంచు.. తెల్లవారుజామున కనువిందు చేసిన ప్రకృతి అందాలు!
Parliament Session | కొనసాగింపా..శీతాకాలమా.. 100 రోజులు పూర్తయినా ప్రొరోగ్ కాని ఉభయ సభలు?
Delimitation Bill | ఒక్కో ఎంపీకి రూ.150 కోట్ల ఆఫర్.. డీలిమిటేషన్ బిల్లు ఆమోదానికి ప్రలోభాలు: సంజయ్ రౌత్
B Pharmacy Syllabus | ఇక ఫార్మసీ విద్యార్థులకూ పైథాన్ కోడింగ్.. ఇంజినీరింగ్ తరహాలో ఏఐ, మెషిన్ లెర్నింగ్ సిలబస్ కూడా!
ట్రెండింగ్ వార్తలు
Watch: ఆసుపత్రిలో నిద్రిస్తున్న మహిళను వేధించిన వ్యక్తి.. తర్వాత ఏం జరిగిందంటే?
Watch: వైద్య విద్యార్థినిని.. కాలేజీ క్యాంపస్ నుంచి కిడ్నాప్ చేసిన కుటుంబ సభ్యులు, వీడియో వైరల్
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి

