‘తెల్ల’ బోవొద్దంటే..

ఒత్తిడి, కాలుష్యం, హార్మోన్ల ప్రభావం.. కారణం ఏదైతేనేం, చిన్న వయసులోనే చాలామందిలో జుట్టు నెరిసిపోతున్నది. నెత్తికి రంగులేసి కవర్‌ చేయొచ్చు. కానీ, కనుబొమలు కూడా తెల్లగా మారితే!? హార్మోన్ల ప్రభావం, ఇతర కారణాల వల్ల ఈ సమస్య వస్తుంది.

ఒత్తిడి, కాలుష్యం, హార్మోన్ల ప్రభావం.. కారణం ఏదైతేనేం, చిన్న వయసులోనే చాలామందిలో జుట్టు నెరిసిపోతున్నది. నెత్తికి రంగులేసి కవర్‌ చేయొచ్చు. కానీ, కనుబొమలు కూడా తెల్లగా మారితే!? హార్మోన్ల ప్రభావం, ఇతర కారణాల వల్ల ఈ సమస్య వస్తుంది. ఫలితంగా.. ముఖం అందవిహీనంగా మారుతుంది. మరికొందరిలో వయసు పెరిగేకొద్దీ జుట్టు కుదుళ్లలో మెలనిన్‌ ఉత్పత్తి తగ్గడం వల్ల వెంట్రుకలు తెల్లబడతాయి. ఈ సమస్య నుంచి బయట పడేందుకు సౌందర్య నిపుణులు కొన్ని సూచనలు చేస్తున్నారు.

• రాత్రిపూట కనుబొమలను ఆలివ్‌ నూనె లేదా ఆముదంతో సున్నితంగా మసాజ్‌ చేయాలి. కళ్ల చుట్టూ ఉండే సున్నితమైన చర్మానికి బాదం నూనె చాలా మేలు చేస్తుంది.
• ప్రొటీన్లు అధికంగా ఉండే ఆహారాన్ని తీసుకోవాలి. రోజువారీ ఆహారంలో పాలు, అరటిపండ్లు, గుడ్లు, పప్పులు మొదలైనవి భాగం చేసుకోవాలి. దీంతో కనుబొమలు నెరిసిపోకుండా ఉంటాయి.
• విటమిన్‌ బి12 లోపం వల్ల కూడా ఈ సమస్య తలెత్తే అవకాశం ఉంది. కాబట్టి, విటమిన్‌ బి12 ఎక్కువగా లభించే కాలేయం, చేపలు, గుడ్లు, పాల పదార్థాలను ఎక్కువగా తీసుకోవాలి.
• ధూమపానం వెంట్రుకల కుదుళ్లలో మెలనిన్‌ ఉత్పత్తిని తగ్గిస్తుంది. పొగతాగడం మానేస్తే.. ఈ సమస్య నుంచి బయటపడొచ్చు.
• ఇక థైరాయిడ్‌ సమస్య కూడా ఒక కారణమే! థైరాయిడ్‌ను తగ్గించుకుంటే.. వెంట్రుకలు తెల్లబడటం కూడా తగ్గుతుంది.