ఫ్యూచర్ మార్కెట్ వెలవెల.. డిమాండ్ లేక పడిపోతున్న పసిడి, వెండి సహా వివిధ లోహాల ధరలు
దేశీయంగా ఫ్యూచర్ మార్కెట్లో మెటల్ ట్రేడింగ్ వెలవెలబోతున్నది. భౌగోళిక-రాజకీయ ప్రతికూల పరిణామాల నడుమ స్పాట్ మార్కెట్తోపాటు ఫ్యూచర్ మార్కెట్లో గతకొద్ది రోజులుగా గోల్డ్, సిల్వర్ సహా ఆయా విలువైన లోహాల డిమాండ్ తీవ్ర ఆటుపోట్లకు లోనవుతున్నది. బంగారం, వెండి, రాగి, అల్యూమినియం, జింక్ లోహాల ధరలు బుధవారం కూడా క్షీణించాయి.
న్యూఢిల్లీ, మార్చి 18 : దేశీయంగా ఫ్యూచర్ మార్కెట్లో మెటల్ ట్రేడింగ్ వెలవెలబోతున్నది. భౌగోళిక-రాజకీయ ప్రతికూల పరిణామాల నడుమ స్పాట్ మార్కెట్తోపాటు ఫ్యూచర్ మార్కెట్లో గతకొద్ది రోజులుగా గోల్డ్, సిల్వర్ సహా ఆయా విలువైన లోహాల డిమాండ్ తీవ్ర ఆటుపోట్లకు లోనవుతున్నది. బంగారం, వెండి, రాగి, అల్యూమినియం, జింక్ లోహాల ధరలు బుధవారం కూడా క్షీణించాయి. అంతర్జాతీయ మార్కెట్ల నుంచి బలహీన సంకేతాలు, కరెన్సీ మార్కెట్లో డాలర్లకు డిమాండ్, పెరుగుతున్న ముడి చమురు ధరలు, ద్రవ్యోల్బణ భయాలు, ఈసారి ద్రవ్య సమీక్షలో అమెరికా ఫెడరల్ రిజర్వ్ బ్యాంక్ వడ్డీరేట్లను తగ్గించకపోవచ్చన్న అంచనాలు.. మల్టీ కమోడిటీ ఎక్సేంజ్ (ఎంసీఎక్స్)లో మదుపరుల సెంటిమెంట్ను దెబ్బతీస్తున్నాయి. కాగా, మార్కెట్లో నెలకొన్న తీవ్ర ఒడిదుడుకులు.. సాధారణ వినియోగదారులతోపాటు రిటైల్ వ్యాపారులనూ కొనుగోలుకు దూరం చేస్తున్నాయి.
బంగారం
ఏప్రిల్ డెలివరీకిగాను 24 క్యారెట్ 10 గ్రాముల బంగారం ధర గత 4 రోజుల్లో రూ.3,550 క్షీణించి రూ.1,55,729 వద్ద ముగిసింది. అంతర్జాతీయంగా కొమెక్స్ గోల్డ్ ఫ్యూచర్స్లో ఏప్రిల్ కాంట్రాక్ట్లో ఔన్స్ గోల్డ్ రేటు 5,013.01 డాలర్లుగా ఉన్నది.
వెండి
మే నెల డెలివరీకిగాను కిలో వెండి ధర గడిచిన 4 రోజుల్లో రూ.9,708 పతనమై రూ.2,52,900 వద్ద ఉన్నది. అంతర్జాతీయ మార్కెట్ కొమెక్స్లో సిల్వర్ ఫ్యూచర్స్ మే కాంట్రాక్ట్కుగాను ఔన్స్ విలువ 79.68 డాలర్ల వద్ద ముగిసింది.
రాగి ఇతరత్రా లోహాలు
ఏప్రిల్ డెలివరీ కోసం కిలో రాగి, అల్యూమినియం, జింక్ ధరలూ గతకొద్ది రోజులుగా తగ్గుముఖం పడుతున్నాయి. బుధవారం ట్రేడింగ్లో రాగి రూ.1,186.80 వద్దకు దిగజారితే.. అల్యూమినియం రూ.337.80కు పరిమితమైంది. ఇక జింక్ ధర రూ.316.25గానే ఉన్నది. కాగా, దేశీయ పారిశ్రామిక రంగం నుంచి ఆయా లోహాలకు డిమాండ్ మందగిస్తున్నదని, అందుకే ఈ ధరల క్షీణతని ట్రేడర్లు చెప్తున్నారు.
స్పాట్ మార్కెట్లో..
బంగారం, వెండి ధరలు స్పాట్ మార్కెట్లో మళ్లీ పడిపోయాయి. బుధవారం ఢిల్లీలో కిలో వెండి ధర రూ.6,000 క్షీణించి రూ.2,56,500 వద్ద స్థిరపడింది. అలాగే 24 క్యారెట్ (99.9 స్వచ్ఛత) 10 గ్రాముల బంగారం రేటు రూ.1,000 దిగి రూ.1,60,300గా ఉన్నది. ట్రేడర్ల లాభాల స్వీకరణే ఇందుకు కారణమని అఖిల భారత సరఫా అసోసియేషన్ తాజా సరళిని విశ్లేషిస్తున్నది. కాగా, హైదరాబాద్లో 22 క్యారెట్ (99.5 స్వచ్ఛత) తులం పుత్తడి విలువ రూ.1,44,600గా నమోదైంది. ఇక గ్లోబల్ మార్కెట్లో ఔన్స్ గోల్డ్ వ్యాల్యూ 16.10 డాలర్లు పతనమై 4,989.65 డాలర్ల వద్ద ఆగింది. సిల్వర్ 79.92 డాలర్లు పలికింది.
Read Today's Latest Business News in Telugu and Telugu News
RELATED ARTICLES
తాజా వార్తలు
Cyclone Akvan | తీరం దాటిన తుపాను అక్వాన్.. ఒడిశా, ఉత్తరాంధ్ర తీరాలకు భారీ వర్ష సూచన
Sampath Kumar | ఏఐసీసీ కార్యదర్శిగా సంపత్ కుమార్ తొలగింపు
Harvester machine | విద్యుత్ తీగలు తగిలి హార్వెస్టర్ యంత్రం దగ్ధం
Aakasamlo Oka Tara | ‘ఆకాశంలో ఒక తార’ మూవీ రివ్యూ.. దుల్కర్ సల్మాన్ కొత్త మూవీ ఎలా ఉందంటే!
మండల టాపర్ గా నిలిచిన విద్యార్థినికి నగదు పురస్కారం
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

