గురకకు గురి పెడదాం

పిల్లి కూతల్లా మొదలవుతుంది. పులి గాండ్రింపు రేంజ్‌కు చేరుకుంటుంది.ఎంత నిద్రలోకి జారుకుంటే అంత సౌండ్‌. ఈ ముచ్చటంతా గురక గురించే! గురక పెట్టేవారికి ఆపై ఎప్పటికో అనారోగ్య సమస్యలు వస్తాయేమో కానీ, ఆ శబ్దం భరించలేక ఎందరో నిద్రలేమితో బాధపడుతుంటారు. అధిక బరువు గురకకు ఒక కారణంగా చెబుతున్నారు.

పిల్లి కూతల్లా మొదలవుతుంది. పులి గాండ్రింపు రేంజ్‌కు చేరుకుంటుంది.ఎంత నిద్రలోకి జారుకుంటే అంత సౌండ్‌. ఈ ముచ్చటంతా గురక గురించే! గురక పెట్టేవారికి ఆపై ఎప్పటికో అనారోగ్య సమస్యలు వస్తాయేమో కానీ, ఆ శబ్దం భరించలేక ఎందరో నిద్రలేమితో బాధపడుతుంటారు. అధిక బరువు గురకకు ఒక కారణంగా చెబుతున్నారు. గురక సాధారణ సమస్యే అయినా.. అది కొందరికి ప్రమాదకరంగా మారే అవకాశం కూడా ఉందని నిపుణుల మాట. ఈ సమస్యను తేలిగ్గా తీసుకోవద్దని హెచ్చరిస్తున్నారు కూడా! చిన్నచిన్న చిట్కాలు పాటిస్తే గురక నుంచి బయటపడొచ్చని సూచిస్తున్నారు.

• రాత్రిపూట పడుకునే ముందు వేడి నీళ్లలో కొన్ని చుక్కల యూకలిప్టస్‌ ఆయిల్‌ వేసుకుని ఆవిరిపడితే గురక సమస్య నుంచి రిలీఫ్‌ వస్తుంది.
• నిద్రకు ఉపక్రమించే ముందు గ్లాసు గోరువెచ్చని నీటిలో కొద్దిగా యాలకుల పొడి కలిపి తాగితే కూడా గురక క్రమంగా తగ్గుతుంది.
• ఒక చెంచా తేనెలో దాల్చినచెక్క పొడి కొద్దిగా కలిపి తీసుకోవడం వల్ల కూడా విపరీతమైన గురక నుంచి ఉపశమనం లభిస్తుంది.
• పడుకునే ముందు పెప్పర్‌మింట్‌ నూనెను చేతులకు రాసుకొని వాసన చూసినా గురక ఇబ్బంది తగ్గుతుంది.
• గురక ఎక్కువగా వచ్చే వాళ్లు వెల్లకిలా కాకుండా ఒక పక్కకు తిరిగి పడుకోవడం వల్ల తీవ్రత తగ్గుతుంది. మద్యపానం, ధూమపానం అలవాట్లు ఉంటే వాటికి దూరంగా ఉండటం శ్రేయస్కరం.