టైమ్‌ మేనేజ్‌మెంట్‌… మీ చేతుల్లో!

చాలా మందికి టైమ్‌ మేనేజ్‌మెంట్‌ విషయంలో సమస్య ఉంటుంది. ఒక రోజుకు 24 గంటలు సరిపోవడం లేదనిపిస్తుంది. దానికి రెండు కారణాలు. ఒకటి, వాయిదా వేసే అలవాటు. రెండు, పర్‌ఫెక్షన్‌ పిచ్చి.

చాలా మందికి టైమ్‌ మేనేజ్‌మెంట్‌ విషయంలో సమస్య ఉంటుంది. ఒక రోజుకు 24 గంటలు సరిపోవడం లేదనిపిస్తుంది. దానికి రెండు కారణాలు. ఒకటి, వాయిదా వేసే అలవాటు. రెండు, పర్‌ఫెక్షన్‌ పిచ్చి. సమయానికి చేయకపోవడం ఎంత ఇబ్బందో, అనవసరమైన విషయాలను మరీ సునిశితంగా చూస్తూ సమయం గడపడమూ అంతే సమస్య. అందుకే ఉన్న సమయాన్ని చక్కగా వాడుకుంటూ సులభంగా పనుల్ని పూర్తి చేయాలంటే కొన్ని చిట్కాలు పాటిస్తే సరి!

• నిజంగా పూర్తి చేయగలిగిన లక్ష్యాలను పెట్టుకోవడం అన్నది మొదటి సూత్రం. ఒక రోజు లేదా వారం లేదా నెల… ఇంతలో మనం ఏయే పనులు పూర్తిచేయగలం అన్నది అంచనా వేసుకుని అందుకు తగ్గట్టు లక్ష్యాలు పెట్టుకోవాలి. దీనివల్ల అధిక భారం పడి ఒత్తిడికి గురవకుండా వాటిని పూర్తిచేయగలుగుతాం.
• ప్రాధాన్యతా క్రమాన్ని గమనించుకోవాలి. ఏది ముందు పూర్తి చేయాలి, ఏది తర్వాత, ఏది చివర… ఇలా ప్రధానమైన వాటి నుంచి నెమ్మదిగా చేసినా ఫర్వాలేదు అనే వాటి వరకూ దేని అవసరాన్ని బట్టి దాన్ని పూర్తి చేస్తూ వెళ్లాలి.
• అన్ని పనులూ మనమే చేయాలి అనుకోవద్దు. సులభంగా పూర్తయ్యేవి, మనం లేకపోయినా నడిచేవి మనవారికి అప్పజెప్పొచ్చు.
• రోజువారీ టాస్క్‌లలో పడి విశ్రాంతిని మర్చిపోతుంటారు. కానీ అది చాలా ముఖ్యం. బాగా అలసిపోతే అసలు చేయగలిగిన పనుల్నీ చేయలేకపోతామని గుర్తుపెట్టుకోవాలి.
• కొన్ని అనుకున్నసమయానికి చేయలేం. వాటికి ప్రాధాన్యత ఇచ్చి గిల్టీగా ఫీలవ్వద్దు. దానికి బదులుగా పూర్తి చేసిన పనులను సెలెబ్రేట్‌ చేసుకోండి. దాని వల్ల మరింత శక్తి వస్తుంది. దాంతో మిగిలిన పనులు చకచకా పూర్తవుతాయి.