నత్తల నుంచి రక్షణకు..

తేమ వాతావరణంలో నత్తలు ఎక్కువగా పెరుగుతాయి. నిన్నమొన్నటిదాకా ఎడతెరిపి లేని వానలతో ఎక్కడ చూసినా.. నత్తలు కుప్పలు తెప్పలుగా కనిపిస్తున్నాయి.

తేమ వాతావరణంలో నత్తలు ఎక్కువగా పెరుగుతాయి. నిన్నమొన్నటిదాకా ఎడతెరిపి లేని వానలతో ఎక్కడ చూసినా.. నత్తలు కుప్పలు తెప్పలుగా కనిపిస్తున్నాయి. ముఖ్యంగా.. పెరటి తోటలకు ఇవి తీవ్రమైన నష్టం కలిగిస్తాయి. నత్తలు ఆకులను తినడం వల్ల మొక్కలు బలహీనపడతాయి. కాండం, పండ్లను తింటూ.. పంట దిగుబడిని తగ్గిస్తాయి. ఇక మొక్కల చుట్టూ నత్తలు వదిలే జిగట పదార్థం వల్ల.. మొక్కల పెరుగుదలకు ఇబ్బంది కలుగుతుంది. ఈ క్రమంలో నత్తల నుంచి పంటలను రక్షించుకోవాల్సిన అవసరం ఉన్నది.

• మొక్కల చుట్టూ ఉన్న ప్రాంతాన్ని శుభ్రంగా ఉంచుకుంటే.. నత్తలు మనలేవు. అవి ఎక్కువగా దాక్కునే చెత్త, ఆకులు, వ్యర్థాలు మొక్కల చుట్టుపక్కల లేకుండా చూసుకోవాలి.
• నత్తలు తేమను ఎక్కువగా ఇష్టపడతాయి. అందుకే, ఇవి ఎక్కువగా ఉంటే.. మొక్కకు నీరు పెట్టడం తగ్గించండి. పాదులో నీరు నిలవకుండా చూసుకోండి.
• నత్తలపై ఉప్పు చల్లితే.. అవి చనిపోతాయి. అయితే, ఉప్పు మొక్కలకూ హానికలిగిస్తుంది. కాబట్టి, జాగ్రత్తగా ఉండాలి.
• అరలీటర్‌ నీటిలో అరలీటర్‌ వెనిగర్‌ కలిపి.. నత్తలు ఎక్కువగా ఉండే ప్రాంతంలో పిచికారీ చేయాలి. వెనిగర్‌ వాసనకు నత్తలు చనిపోతాయి.