మోటో నుంచి మరొకటి!

మోటోరోలా.. మరో సరికొత్త స్మార్ట్‌ఫోన్‌ను పరిచయం చేసింది. అత్యాధునిక ఫీచర్లతో, పవర్‌ఫుల్‌గా.. ‘మోటో జీ06 పవర్‌' మాడల్‌ను తీర్చిదిద్దింది. 6.88 అంగుళాల హెచ్‌డీ స్క్రీన్‌తో వస్తున్నది.

మోటోరోలా.. మరో సరికొత్త స్మార్ట్‌ఫోన్‌ను పరిచయం చేసింది. అత్యాధునిక ఫీచర్లతో, పవర్‌ఫుల్‌గా.. ‘మోటో జీ06 పవర్‌’ మాడల్‌ను తీర్చిదిద్దింది. 6.88 అంగుళాల హెచ్‌డీ స్క్రీన్‌తో వస్తున్నది. 20.5:9 యాస్పెక్ట్‌ రేషియో, 395 పీపీఐ, 120Hz రిఫ్రెష్‌ రేట్‌, 600 నిట్స్‌ వరకు పీక్‌ బ్రైట్‌నెస్‌, కార్నింగ్‌ గొరిల్లా గ్లాస్‌-3 ప్రొటెక్షన్‌ వంటి ఫీచర్లను కలిగి ఉంది.

ఇందులో మీడియాటెక్‌ హీలియో జీ81 ఎక్స్‌ట్రీమ్‌ ప్రాసెసర్‌, 8 జీబీ ర్యామ్‌తో చాలా శక్తిమంతంగా పనిచేస్తుంది. ఎలాంటి ల్యాగ్స్‌ లేకుండా గేమ్స్‌ ఆడుకోవచ్చు. 256 జీబీ స్టోరేజీతో వస్తున్న ఈ ఫోన్‌లో.. మెమొరీని 1 టీబీ వరకూ పెంచుకోవచ్చు. ఇక కెమెరా విభాగానికి వస్తే.. 50 ఎంపీ ఎఫ్‌/1.8 ప్రైమరీ కెమెరాను అమర్చారు. దీనితో 4కెలో వీడియోలను రికార్డ్‌ చేసుకోవచ్చు.

సెల్ఫీల కోసం ముందు భాగంలో ఎఫ్‌/2.05 అపర్చర్‌తో 8 ఎంపీ కెమెరా ఇస్తున్నారు. 7,000 ఎంఏహెచ్‌ బ్యాటరీ.. 18 వాట్స్‌ ఫాస్ట్‌ చార్జింగ్‌ వ్యవస్థ.. ఇందులోని అతిపెద్ద ప్రత్యేకత! బ్యాటరీ బ్యాకప్‌ గురించి ఎలాంటి చింతా అవసరం లేదు. భద్రత కోసం సైడ్‌మౌంటెడ్‌ ఫింగర్‌ప్రింట్‌ సెన్సర్‌ను ఏర్పాటుచేశారు.

ఆండ్రాయిడ్‌-15 ఆధారంగా హలో యూఐతో ఈ ఫోన్‌ పనిచేస్తుంది. వైఫై, బ్లూటూత్‌ 6.0, జీపీఎస్‌, యూఎస్‌బీ-సీ, డాల్బీ అట్మాస్‌ సపోర్ట్‌ స్టీరియో స్పీకర్లు, 3.5 ఎంఎం హెడ్‌ఫోన్‌ జాక్‌లాంటి సౌకర్యాలు ఉండనే ఉన్నాయి. బడ్జెట్‌లోనే అత్యాధునిక ఫీచర్లతో ఫోన్‌ కావాలనుకున్నవారికి.. మోటో జీ06 పవర్‌ మంచి ఎంపిక. దీని ధర సుమారు రూ.13,500.