ఏఐ ఏజెంట్లతో మెయిల్‌ మేడ్‌ ఈజీ

ఫెషనల్‌ మెయిల్‌ చేయాలన్నా, అఫీషియల్‌ డాక్యుమెంట్‌ రాయాలన్నా.. ఇంగ్లిష్‌పై మంచి పట్టు ఉండాలి. ఫార్మాట్‌ తెలిసి ఉండాలి. అతికొద్ది మంది మాత్రమే ఈ విషయంలో ముందుండేవారు. వారికి అంతా ఇంతా డిమాండ్‌ ఉండదు. ఇప్పుడు రాసేది ఏ విషయమైనా.. ఆన్‌లైన్‌ టూల్స్‌ చూసుకుంటున్నాయి.

ప్రొఫెషనల్‌ మెయిల్‌ చేయాలన్నా, అఫీషియల్‌ డాక్యుమెంట్‌ రాయాలన్నా.. ఇంగ్లిష్‌పై మంచి పట్టు ఉండాలి. ఫార్మాట్‌ తెలిసి ఉండాలి. అతికొద్ది మంది మాత్రమే ఈ విషయంలో ముందుండేవారు. వారికి అంతా ఇంతా డిమాండ్‌ ఉండదు. ఇప్పుడు రాసేది ఏ విషయమైనా.. ఆన్‌లైన్‌ టూల్స్‌ చూసుకుంటున్నాయి. ఈ సేవల్లో గ్రామర్లీ గురించి ప్రత్యేకంగా చెప్పనక్కర్లేదు. మనం చేసే గ్రామర్‌ మిస్టేక్స్‌ అన్నీ అదే సరిదిద్దేది. ఇప్పుడు గ్రామర్లీ కొత్తగా ‘ఏఐ ఏజెంట్స్‌’ని రంగంలోకి దింపింది.

ఫుల్‌ప్యాకేజ్‌ రైటింగ్‌ అసిస్టెంట్‌గా గ్రామర్లీ పనిచేస్తున్నది. విద్యార్థులు, అధికారులు.. ఇలా ఎవరైనా ఏ తరహా మెయిల్‌ రాయాలన్నా… ఏఐ ఏజెంట్స్‌ చూసుకుంటాయి. ఒక్కో ఏజెంట్‌ ఒక్కో పనిలో ఎక్స్‌పర్ట్‌ అన్నమాట. ఫ్రీ వెర్షన్‌లోనూ మంచి ఫీచర్లు అందుబాటులో ఉన్నాయి.

• ‘రీడర్‌ రియాక్షన్‌’ ఏజెంట్‌ని తీసుకుంటే.. మీరు రాసిన మెయిల్‌ చదివిన తర్వాత మీ బాస్‌కు గానీ, మీ క్లయింట్‌కు గానీ ఎలాంటి సందేహాలు వస్తాయో చెబుతుంది. ముందే వాటిని ఊహించి మార్పులు సూచిస్తుంది.
• ‘ఏఐ ట్రేడర్‌’ ఏజెంట్‌ విషయానికి వస్తే..అసైన్‌మెంట్‌ సబ్మిట్‌ చేయకముందే ఏ గ్రేడ్‌ వస్తుందో అంచనా వేస్తుంది. విద్యార్థులు, రీసెర్చ్‌ స్కాలర్స్‌కు ఇది బాగా ఉపయోగపడుతుంది.
• ‘సైటేషన్‌ ఫైండర్‌’ ఏజెంట్‌ మీకు కావాల్సిన రిఫరెన్స్‌లు వెతికి, ఫార్మాట్‌ చేసి ఇస్తుంది. కార్పొరేట్‌ ఉద్యోగులకు యూజ్‌ ఫుల్‌.
• ‘ప్రూఫ్‌ రీడర్‌’ ఏజెంట్‌.. పదాల్లో, వాక్యాల్లో తప్పులు లేకుండా చూసుకుంటుంది. తప్పులొస్తే లిప్తపాటులో సరిచేస్తుంది.
• ప్లేజొరిజమ్‌ చెకర్‌.. కంటెంట్‌ కాపీ కొట్టిందో, సొంతంగా రాసిందో తేల్చేస్తుంది. ఇలా ఒక్కో ఏజెంట్‌ ఒక్కో పని చక్కబెడుతుందన్నమాట!