చిట్టి ఆవాలు గట్టి ప్రయోజనాలు!

పోపుల డబ్బాలోని చిట్టిచిట్టి ఆవాలు.. మన ఆరోగ్యాన్ని కాపాడటంలో గట్టిగానే పనిచేస్తాయి. వంటలకు రుచితోపాటు కమ్మని వాసనతోపాటు ఆరోగ్య ప్రయోజ నాలనూ అందిస్తాయి. అనేక పోషకవిలువలతోపాటు ఎన్నో ఔషధ గుణాలు కూడా కలిగిన ఆవాలు.. ఆయుర్వేదంలోనూ ఉపయోగపడుతాయి.

పోపుల డబ్బాలోని చిట్టిచిట్టి ఆవాలు.. మన ఆరోగ్యాన్ని కాపాడటంలో గట్టిగానే పనిచేస్తాయి. వంటలకు రుచితోపాటు కమ్మని వాసనతోపాటు ఆరోగ్య ప్రయోజ నాలనూ అందిస్తాయి. అనేక పోషకవిలువలతోపాటు ఎన్నో ఔషధ గుణాలు కూడా కలిగిన ఆవాలు.. ఆయుర్వేదంలోనూ ఉపయోగపడుతాయి.

ఆవాలలో మెగ్నీషియం, కాల్షియం, మాంగనీస్‌, జింక్‌, ఒమేగా 3 ఫ్యాటీ ఆమ్లాలు, ప్రొటీన్లు, పీచుపదార్థాలు ఎక్కువగా ఉంటాయి. డైటరీ కొవ్వులు, కార్బొహైడ్రేట్లు, బీటా కెరోటిన్‌, పొటాషియం, సోడియంతోపాటు అన్ని రకాల విటమిన్లు అధిక మోతాదులో లభిస్తాయి. వీటిని రెగ్యులర్‌గా తీసుకోవడం వల్ల అనేక ప్రయోజనాలు కలుగుతాయి.

• ఆవాలు జీర్ణశక్తిని వృద్ధి చేస్తాయి. మలబద్ధకాన్ని నివారిస్తాయి.
• వీటిని రెగ్యులర్‌గా తీసుకోవడం వల్ల రక్తంలో కొలెస్ట్రాల్‌ స్థాయులు అదుపులో ఉంటాయి.
• ఆవాలలో ఉండే ఘాటైన నూనెలు.. రక్తప్రసరణను వేగవంతం చేస్తాయి. క్యాన్సర్‌కు వ్యతిరేకంగా పోరాడుతాయి.
• గొంతునొప్పి, దగ్గు, జ్వరం వేధిస్తుంటే.. మరుగుతున్న నీళ్లలో చిటికెడు ఆవపొడి, తేనె వేసి తాగితే, ఉపశమనం లభిస్తుంది.
• మైగ్రేన్‌ను మటాష్‌ చేసే శక్తి.. చిట్టి ఆవాల సొంతం. ఆవాలను మెత్తగా నూరి.. తలనొప్పి వస్తున్న వైపు లేపనంగారాస్తే మైగ్రేన్‌ తగ్గుతుంది.
• శరీరంలో పేరుకుపోయిన వ్యర్థాలను బయటికి పంపే గుణం ఆవాలకు ఉన్నది. వాంతులు, నీళ్ల విరేచనాలతో బాధపడేవారు.. ఆవాల పొడిని కడుపు భాగంలో రాసుకుంటే ఉపశమనం లభిస్తుంది.
• కీళ్ల నొప్పులకూ ఆవాలు మంచి ఔషధంగా పనిచేస్తాయి. ఆవాల ముద్దను, కర్పూరంతో కలిపి కీళ్లపై రాసుకుంటే.. నొప్పులు తగ్గుముఖం పడుతాయి.