పిండి.. ఫ్రిజ్‌లో వద్దు!

చాలా ఇళ్లలో టిఫిన్‌ అంటే.. ఇడ్లీలు, దోశలే! వీటిని సిద్ధం చేయాలంటే మాత్రం.. ఎంతోకొంత ప్రయాస పడాల్సిందే! కావాల్సినవన్నీ ముందురోజే నానబెట్టుకోవడం.. పిండి రుబ్బుకోవడం.. పెద్ద తతంగమే! దాంతో చాలామంది వారానికి సరిపడా పిండిని ఒకేసారి రుబ్బుకుంటారు.

చాలా ఇళ్లలో టిఫిన్‌ అంటే.. ఇడ్లీలు, దోశలే! వీటిని సిద్ధం చేయాలంటే మాత్రం.. ఎంతోకొంత ప్రయాస పడాల్సిందే! కావాల్సినవన్నీ ముందురోజే నానబెట్టుకోవడం.. పిండి రుబ్బుకోవడం.. పెద్ద తతంగమే! దాంతో చాలామంది వారానికి సరిపడా పిండిని ఒకేసారి రుబ్బుకుంటారు. ఫ్రిజ్‌లో నిల్వ చేస్తుంటారు. అయితే.. రుబ్బిన పిండిని ఇలా ఫ్రిజ్‌లో రోజుల తరబడి పెట్టుకోవడం ఆరోగ్యానికి ఏమాత్రం మంచిదికాదని నిపుణులు చెబుతున్నారు.

• ఫ్రిజ్‌లో ఉంచినప్పటికీ.. రుబ్బిన పిండిపై బ్యాక్టీరియా, ఫంగస్‌ లాంటివి సులభంగా పెరుగుతాయి. దాంతో చేసిన ఆహార పదార్థాలు అనారోగ్యాన్ని కలిగిస్తాయి.
• నీటిలో నానబెట్టిన కొన్నిరకాల పప్పు దినుసులు ఇట్టే పులిసిపోతాయి. అంటే.. వాటిపై ఈస్ట్‌ పెరిగిందని అర్థం. రెండుమూడు రోజులపాటు అలాగే ఉంచేస్తే.. ఈస్ట్‌ మరింత పెరిగిపోతుంది. దీన్ని కొద్దిమొత్తంలో తీసుకుంటే ఫర్వాలేదు కానీ, మోతాదుకు మించితే శరీరంలో అలర్జీలకు కారణం అవుతుంది.
• ఎక్కువగా పులిసిన పిండి.. జీర్ణవ్యవస్థపై చెడు ప్రభావం చూపుతుంది. జీవక్రియ రేటును ప్రభావితం చేస్తుంది. పేగుల్లో ఉండే మంచి బ్యాక్టీరియాకు హాని కలిగిస్తుంది. పేగుల ఇన్ఫెక్షన్‌ కలిగిస్తుంది. ఆ పిండితో చేసిన ఆహార పదార్థాలను తింటే.. కడుపులో గ్యాస్‌, విరేచనాలు ఇతర జీర్ణ సమస్యలు చుట్టుముడతాయి.